Analitik, fizik-kolloid va biologik kimyo

Savollar va topshiriqlar

1. 
   Nima uchun chumoli kislota ( yoki natriy formiat ) << kumush ko’zgu >> reaksiyaga kirishadi ? Reaksiya tenglamasini yozing.
   
2. 
   Chumoli kislotaning konsentrlangan sulfat kislota ishtirokida parchalanishi reaksiya tenglamasini tuzing. Is gazini yonish reaksiyasi tenglamasini yozing.
   
3. 
   Chumoli kislotaning kaliy permanganat bilan sulfat kislota ishtirokida oksidlanish reaksiyasi tenglamasini tuzing va koeffitsentlarini qo’yib tenglang. Nima uchun ohakli suv solingan probirka loyqalanadi?
   

7- tajriba:. Karbon kislotalarning kislotalilik hossalari

Reaktivlar: chumoli kislota, sirka kislota, CaCO₃ kukuni, kaltsiy sulfat kristallari, ko’k lakmus qog’ozi.

Ish tartibi. Ingichka shisha kapilyar yordamida konsentrlangan chumoli yoki sirka kislotadan olib, ko’k lakmus qog’oziga tomizib, sinab ko’rilsa qog’oz qizaradi.

Ikkita probirka olib, uning biriga shpatel yordamida ozgina CaCO₃ kukunidan, ikkinchisiga esa kaltsiy sulfat kristallaridan solib, har birining ustiga oz-ozdan tomshilatib konsentrlangan sirka yoki chumoli kislota qo’shing. Natijada, birinchi probirkadagi. CaCO₃ erib gaz pufakchalarining ajralishini, ikkinchi probirkada esa hech qanday o’zgarish ro’y bermasligini kuzating.