Analitik, fizik-kolloid va biologik kimyo

Savol va topshiriqlar

1. 
   Suyuq moddalarni haydab tozalash usullarini bayon qiling.
   
2. 
   Atmosfera bosimida benzol bilan ksilol misolida fraksiyalarga bo‘lib haydashning mohiyatini va ishlash uslubini tushuntiring.
   
3. 
   Qanday hollarda organik moddalarni vakuum ostida va suv bug‘i yordamida haydaladi?
   

5-tajriba. Fenollarni YUHX usulida aniqlash

Asbob va reaktivlar: silufol plastinka, fenol moddalar va ularning aralashmasi (fenol, rezorsin, pirokatexin), erituvchilar sistemasi: benzol (4:1), yod bug‘lari.

Ish tartibi. Silufol plastinkaga tekshiriladigan fenol moddalar aralashmasining spirtli eritmasidan va “guvoh” moddalar fenol, rezorsin, pirokatexin eritmalaridan alohida-alohida kichkina shisha kapillyarlar orqali bir necha tomchi tomizib, ularni quriting. So‘ngra plastinkani benzol-etanol(4:1)dan iborat erituvchilar sistemasi solingan maxsus idishga tushiring. Erituvchi plastinkaning belgilangan front chizig‘iga yetganda, plastinkani idishdan olib, mo‘rili shkafda quriting. Quritilgan plastinkani yod solingan eksikatorga tushirganimizda xromatogrammada turli dog‘larning hosil bo‘lishini kuzating. So‘ngra bu dog‘larning taqsimlanish koeffitsientini R_f = a/b formula orqali hisoblab, «guvoh» moddalar (fenol, rezorsin va pirokatexin)ni R_f bilan solishtiring.