Амаллар тизимлари

Windows иловаларини ўрнатиш ва ўчириб ташлаш

Windows 98 операцион тизимида иловаларни ўрнатишнинг бир нечта усули бор, аммо бошқарув панели папкасидаги дастурларни ўрнатиш ва ўчириб ташлаш нишонини ишлатишга асосланган усул асосийси ҳисобланади. Ўрнатишнинг бошқа усуллари операцион тизимнинг реестирида иловаларнинг тўғри рўйхатга олинишини кафолатлашлари сабабли ҳамма ҳолатларда айнан шу воситадан фойдаланиш тавсия этилади.

Янги иловани ўрнатишдан олдин ишлаб турган барча дастурларни ва очиқ ҳамма ҳужжатларни ёпиш керак. Айрим ҳолларда фон жараёнларининг ҳам бир қаторини ёпиш зарурдир.

Windowsнинг ихтисослашувининг ўзига хос томонлари

Иловаларни ўрнатишга киришилганда, операцион тизимнинг ресурсларни бирга ишлатишга боғлиқ ўзига хос томонларини билиш ва текшириб кўрилмаган дастурий воситаларни ўрнатиш жараёни потенциал ҳавфли жараёнлар тоифасига киришини ёдда тутиш зарур.

Ресурслардан биргаликда фойдаланиш Windowsнинг дастурий таъминот соҳасида ихтисослашуви асосида ҳам ётади. Бу шунга олиб келадики, натижада турли хилдаги иловалар умумий дастурий ресурслардан фойдаланишлари мумкин. Масалан, Windowsнинг кўплаб иловаларида шакллантириш, безаш ва бошқаришнинг бир хил унсурларини учратиш мумкин. Уларни бошқариш усуллари ҳам бир хилдир. Иловалар нуқтаи назаридан бу уларниг кўплаб компонент-ларига битта дастурий код билан ишлов берилишини билдиради. Шунинг учун Windowsда стереотип дастурий бўлакларни ажратиб, улар динамик кутубхоналарга гуруҳланади, бу кутубхоналарга ҳар хил дастурлар учун йўл очиқдир.
Янги иловалар ўрнатилаётганида улар билан бирга фақат шу илова ишлаши учун керак бўлган, аммо ушбу компьютерда мавжуд бўлмаган дастурий иловалар ўрнатилади. Шунинг учун янги иловаларни ўрнатиш учун улар тўғри рўйхатдан ўтказилиши ниҳоятда муҳимдир. Кўпчилик замонавий иловаларнинг дистрибутив мажмуининг таркибига махсус ўрнатиувчи дастурлар кирганига қарамай, умумий ҳолатда улар рўйҳатга олишни тўғри бажаришларига ишониш керак эмас. Дастурларни стандарт воситалар билан бажариш лозим. Бу билан илгари ўрнатилган иловаларниг ишончли ишлаши таъминланади, кейинги иловаларнинг тўғри ўрнатилиши учун асослар таъминланади.