Amaliy mashg`ulot№1. Mavzu: Ishlab chiqarishda ish kuni xronometraji,mehnatning og`irligi va keskinligi(zo`riqish) ni baholashni o`rganish

Surunkali kasb kasalligi (zaharlanish) tog‘risida xabarnomalar 151-sonli shakl quyidagi idoralarda to‘ldiriladi:O‘bekiston Respublikasi Sog‘liqni saqlash vazirligi sanitariya, gigiena va kasb kasalliklar va TTA klinikasida.
Xabarnoma surunkali kasb kasalligiga oxirgi tashxis qo‘yilgandan keyin 3 kun mobaynida bemor ishlovchi ob’ekt ustidan davlat sanitariya nazoratini amalga oshirayotgan sanepidstansiyasiga va kerak bo‘lgan davolash profilaktika muassasasiga yuboriladi.
Yuz bergan kasb kasalligi (zaharlanish) hodisasi to‘g‘risidagi navbatdan tashqari xabarnoma sanitariya-epidemiologiya nazorat markazi tomonidan tuzilib, O‘zbekiston Respublikasi Sog‘liqni saqlash vazirligiga belgilangan tartibda taqdim etiladi.
Kasb kasalliklari hodisalarini tekshirish tartibi.
Har bir kasb kasalligi (zaharlanish) maxsus tekshirilishi lozim.
O‘tkir kasb kasalligi (zaharlanish)ning maxsus tekshiruvi DSENMning mehnat gigienasi bo‘yicha vrachi yoki boshqa mutaxassisi tomonidan korxona (tashkilot,muassasa) ning profiliga qarab,shoshilinch xabarnoma olingandan keyin, maxsus tekshirilishi o‘tkaziladi.
O‘tkir kasb kasalligi (zaharlanish) bir vaqtning o‘zida korxonada yuz bergan baxtsiz hodisa hisoblanib sanitariya vrachi ishtirokida mazkur baxtsiz hodisani tekshirish bilan bir paytda o‘tkaziladi.Sanitariya vrachi, agar u ana shu baxtsiz hodisani tekshirishda qatnashmagan bo‘lsa,o‘tkir kasb kasalligi (zaharlanish)ni maxsus (alohida) tekshiriladi.
Maxsus tekshiruv o‘tkazishda quyidagi tarkibdagi komissiya tuziladi:

• 
  korxona ma’muriyati;
  
• 
  mehnatni muhofaza qilish bo‘limi;
  
• 
  kasaba uyushmasi vakili;
  
• 
  korxona sog‘liqni saqlash shoxobchasining sex terapevti va tibbiyot xodimi.
  

Maxsus tekshiruv jarayonida:

• 
  o‘tkir kasb kasalligi(zaharlanish)paydo bo‘lgan sabablari va sharoitlari tekshiriladi;
  
• 
  kasallik yuz bergan ish joyi(ish zonasi,ishlab chiqarish uchastkasi,sex)tekshiriladi;
  
• 
  zarur bo‘lganda zararli ishlab chiqarish omillarining laborator va asbob uskunalar bilan tekshiruvi o‘tkaziladi;
  
• 
  kasb kasalligi(zaharlanish)yuz berganda ishlovchilarning sanitariya-gigienikmehnat sharoitlari baholanadi;
  
• 
  tekshiruv natijalari asosida kasallik(zaharlanish)hodisalarini bartaraf etish va ularning oldini olish bo‘yicha sanitariya-profilaktika, tashkiliy va texnik choralari ishlab chiqiladi.
  

Kasallik(zaharlanish)xadisasini maxsus tekshirish natijalari bo‘yicha belgilangan shakl(362-sonli shakl)bo‘yicha 4 nusxada tekshiruv dalolatnomasi tuziladi.Dalolatnomaning birinchi nusxasi korxona ma’muriyatida qoladi, ikkinchisi sanepidstansiyaga,uchinchisi–korxonaga xizmat ko‘rsatayotgan davolash-profilaktika muassasiga,to‘rtinchisi–kasaba uyushmasiga topshiriladi.
Tekshiruv natijalari bo‘yicha DSENM tomonidan kasallik(zaharlanish)yuz berishiga sabab bo‘lgan sanitariya-gigiena me’yorlari buzilishiga ma’sul shaxslarga nisbatan ma’muriy jazo choralari ko‘riladi.Tegishli hollarda hujjatlar tergov organlariga taqdim etiladi.
Surunkali kasb kasalligi(zaharlanish)ning har bir hodisasi alohida(maxsus) tekshiriladi, u kasallik haqidagi xabarnoma olingan paytdan boshlab 7 kun mobaynida sanepidstansiyaning mehnat gigienasi sanitariya vrachi yoki boshqa vrachi komissiya tomonidan o‘tkaziladi.
Tekshirish chog‘ida asosiy masalalar ko‘rib chiqiladi,natijalari tartibga rasmiylashtiriladi.