Amaliy mashg`ulot№1. Mavzu: Ishlab chiqarishda ish kuni xronometraji,mehnatning og`irligi va keskinligi(zo`riqish) ni baholashni o`rganish

Kasb kasalligi sababini aniqlash tartibi.
Agar o‘tkir kasallikka bir kishi duchor bo‘lgan bo‘lsa,uning sababini aniqlash ishlari shoshilinch xabarnoma olingandan so‘ng 24 soat ichida olib borilishi kerak.Kasallikka ikki va undan ortiq kishi duchor bo‘lgan bo‘lsa, kasallanish o‘lim bilan yakunlansa, hamda kasb bilan bog‘liq qora oqsoq, kuydirgi qoqshoq va qutirish kasalliklari sabablarini aniqlash shoshilinch xabarnoma olingan zahoti olib borilishi kerak.
Surunkali kasb kasalliklari sabablarini aniqlash esa xabarnoma olingandan so‘ng etti kun ichida tugatilishi kerak.Kasb kasalliklar(zaharlanishlar)sabablarini aniqlash maxsus komissiya tomonidan olib boriladi.Uning tarkibiga DSENMning mehnat gigienasi vrachi,korxona ma’muriyati va kasaba birlashmasi vakillari, mehnatni muhofaza etish bo‘yicha muhandis va korxonada tibbiy yordam ko‘rsatuvchi muassasa vakillari kiritiladi.
Kasallik sabablarini aniqlash jarayonida quyidagi ishlar bajariladi:

• 
  lozim bo‘lsa maxsus laboratoriya tadqiqotlari o‘tkaziladi;
  
• 
  kasb kasalligini(zaharlanishi)vujudga keltirilgan sabablar va vaziyatlar aniqlaniladi;
  
• 
  kasallanuvchi mehnat faoliyati o‘tadigan ishlash joylari sanitariya gigienik holati talablarga javob berishi aniqlanadi.
  

Kasallikni keltirib chiqargan sabablari aniqlangandan so‘ng,olib borilgan ishlar natijasida maxsus 362/u formadagi“Kasb kasalliklari(zaharlanishlari)taftish qaydnomasi” tuziladi (4 ilova).Bu qaydnoma to‘rt nusxa tuziladi(DSENMga, korxona ma’muriyatiga,korxonada tibbiy xizmat ko‘rsatuvchi tashkilotga va korxona kasaba birlashmasiga).Bu qaydnomaning 16 bandi kasallikni keltirib chiqargan sabablarini yo‘qotish va ularni takrorlanishini oldini olish chora tadbirlari ko‘rsatiladi.
Taftish natijalari asosida hodisa sabablarini vujudga keltirgan holatga aybdor shaxslarga nisbatan ma’muriy ta’sir choralari ko‘rildi.
Agar kasallanish natijaasida ishlovchi ishlash qobiliyatini umuman yo‘qotsa, nogiron bo‘lib qolsa,bir sabab oqibatida ikki va undan ortiq kishi kasallansa yoki kasallanish o‘lim bilan tugasa tekshirish uchun bu ish tergov organlariga oshiriladi.