Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

Bitiruv loyiha ishining metodologik asosi va tadqiq usullari. Ona tili o‘rta maktab, akademik litseylar va kasb-hunar kollejlarida o‘rganiladigan barcha fanlarni puxta o‘zlashtirish uchun muhim “kalit” sanaladi. Til vositasida o‘quvchi
va talaba boshqa fanlarni o‘rganadi. Barcha fanlar yuzasidan fikrni yozma va og‘zaki ravishda bayon qilish orqali u o‘z ona tilini ham mukammal o‘rganib boradi. Ona tili darslarini o‘tishda hozirgi kunda zamon talabiga muvofiq pedagogik texnologiyalardan o‘rinli foydalanish ta’lim sohasidagi dolzarb vazifalardan biri bo‘lib, ta’lim oluvchilarning o‘zlashtirish darajasining ko‘tarilishiga olib keladi. Buning uchun dars jarayoni oqilona tashkil qilinishi, ta’lim beruvchi tomonidan ta’lim oluvchilarning qiziqishini orttirib, ularning ta’lim jarayonida faolligi muttasil rag‘batlantirilib turilishi, o‘quv materialini kichik-kichik bo‘laklarga bo‘lib, ularning mazmunini ochishda aqliy hujum, kichik guruhlarda ishlash, bahs-munozara, muammoli vaziyat, yo‘naltiruvchi matn, loyiha, rolli o‘yinlar kabi metodlarni qo‘llash va ta’lim oluvchilarni amaliy mashqlarni mustaqil bajarishga undash talab etiladi. Ishning metodologik asosini Respublikamiz rahbariyatining milliy til va milliy madaniyatini rivojlantirish xalqning ruhini ko‘tarishi haqidagi yo‘l-yo‘riqlari tashkil qiladi. Mavzuni yoritishda tilshunoslikda, jumladan, o‘zbek tilshunosligida qo‘lga kiritilgan ilmiy yutuqlardan ijodiy foydalanildi. Shuningdek, ishda tavsifiy, qiyosiy, kontekstual, komponent, tahlil metodlariga murojaat qilindi.
Bitiruv loyiha ishining predmeti. O‘zbek tilshunosligida payt ravishlarining leksik va grammatik xususiyatlari tahlil qilingan.
Bitiruv loyiha ishi metodlari. Ona tili fanidan “O‘zbek leksikografiyasi. Lug‘at va uning turlari” mavzusi dars ishlanmasi sifatida “Kichik guruhlarda ishlash”, “Tezkor so‘rov”, “Aqliy hujum”, “Piramida”, “Kitob bilan ishlash”, “Quduqdan suv olish”, “Videousul” kabi interfaol usullar yordamida zamon talabiga mos texnologik loyihalashdan hamda mavzu bo‘yicha o‘quvchilarda bilim, ko‘nikma, malakalarlar hosil qilish, ularning mustaqil fikrlash va ijodkorlik faoliyatini o‘stirish, g‘oyaviy, ma’naviy-ma’rifiy komil inson ruhida tarbiyalash, ularda ma’rifatparvarlik, mehnatsevarlik, insonparvarlik tuyg‘ularini shakllantirishdan iborat.