Alisher navoiy nomidagi toshkent davlat universiteti huzuridagi pedagog kadrlarni qayta tayyorlash va ularning malakasini

ot kesim vazifasida keladi: Dalada ishlar jadal.

MIQDOR-DARAJA RAVISHI. Miqdor-daraja ravishlari ish-harakat yoki belgining miqdorini bildirib, shuningdek, predmetning noaniq miqdori, belgining darajasi va miqdorini anglatadi. Miqdor-daraja ravishlari qancha? qanday? so‘roqlariga javob bo‘ladi. Shunga ko‘ra bu ravishlar miqdor ravishlari va daraja ravishlari kabi turlarga bo‘linadi. Miqdor ravishlari predmetning noaniq miqdorini bildiradi: oz, ko‘p, ancha, sal, bir oz, bir muncha, mo‘l, kam, xiyla va boshqalar. Daraja ravishlari harakat va belgining ma’nosini kuchaytiradi: juda, g‘oyat, nihoyat, nihoyatda, benihoyat kabi.
Miqdor-daraja ravishlari gapda:

1. 
   ravish holi: Xo‘jayin gapimni birov eshitib qolmasin, deganday qaddini sal egib pastroq ovozda qolmasin, dedi. (T.M.)
   
2. 
   Aniqlovchi: – Ma’zur ko‘rsangiz, – dedi u shoshib. – Ko‘p mushkul yumush bu. (O.Y.)
   
3. 
   Kesim vazifalarida keladi: Ikkitagina mashinaning boshqa ishlari ko‘p.(S.A.)
   

PAYT RAVISHI. Payt ravishlari ish-harakatning bajarilish paytini bildirib, qachon? qachondan beri? so‘roqlariga javob bo‘ladi: kecha, bugun, erta, indin, sahar, tushda, kechqurun, peshinda, bultur, bu yil, o‘tgan yil, bugun-erta, oldin, hozir, keyin,boya, hali, endi, burun,avval, qadim,yaqinda, hamisha, hanuz,hamon, so‘ng, dastlab, har kuni, erta-indin, erta-kech, qishin-yozin va boshqalar. Payt ravishlari gapda payt holi vazifasida keladi: Aravalar ham ertalab idora oldida bo‘ladi. Ketadiganlar hozir dalada. (S.A.)
O‘RIN RAVISHI. O‘rin ravishlari ish-harakatning bajarilish o‘rnini bildirib, qaerga? qaerda? qaerdan? so‘roqlariga javob bo‘ladi: unda, bunda, shu yerda, bu yerda, nari-beri, quyida, yuqorida, chapda, o‘ngda, nari, oldinga, pastga, yuqoridan, u yoqqa, bu yoqqa, yaqinda, orqadan, to‘g‘riga va boshqalar. O‘rin ravishlari gapda, asosan, o‘rin holi ba’zan kesim vazifasida keladi: biror kishi gapirgan paytida u yoq-bu yoqqa qarab qo‘ysa, demak, bu gap omonatdir. Ikki soatdan beri shu yerdaman. (T.M.)