Alisher navoiy nomidagi samarqand davlat universiteti sh. A. Aminjonov, E. N. Nuritdinnov

Somatotrop gormon, ya`ni o‘sish gormoni. Ko‘p gormonlardan farqli ravishda turga oid o‘ziga xoslikka ega.
Masalan, buqaning o‘sish gormoni odamda yoki maymunda o‘sishga olib kelmaydi va u hayvonlarniig boshqa go‘riga yuborilganda yot moddalar ishlanishini sodir bo‘ladi. U ona qornidagi hayotning 10-haftasidan hosil bo‘ladi va ta`sir qiladi.
Somatotrop gormon etishmasa, bo‘yi 1 m ga etgandan keyin bola o‘sishdan to‘xtaydi. Bunday gipofizlar pakanalik yoki nanizmda tana proportsiyalari va aqliy rivojlanish gipotireoid pakanalikdan farqli ravishda normal holda shakllanadi.
Adrenokortikotrop gormon. U o‘sish va buyrak usti bezlari po‘stloq moddasining uchdan ikki kavati-dastasimon va to‘rsimon zonalarning funktsiyasi uchun zarur. Bu gormon boshqa trop gormonlarga karaganda endokrin bo‘lmagan organlarga bevosita ta`sir etadi.
Tireotrop gormon. U qalqansimon bezning asosiy gormonlari-tiroksin va triyodtironin sintezi va ularning ajralishini quvvatlaydi, bezdagi metabolik jarayonlarni tezlashtiradi va uning to‘qimasida follikulyar hujayralar o‘sishini ta`minlaydi.
Gonadotrop gormonlar. Ular jinsiy bezlarning endokrin funktsiyasini idora qiladi. CHunonchi, ular urg‘ochi hayvonda tuxum hujayralarining o‘sishi va etilishini va tuxumdondan chiqishini, follikul o‘rnida sariq tana hosil bo‘lishini, tuxumdon follikullari urg‘ochi jinsiy gormonlar-ekstrogenlar ishlab chiqarishini ta`minlaydi.
Laktogen gormon, ya`ni prolaktin. U sut bezlari o‘sishini va sut sekretsiyasini quvvatlab turadi. Uning «mammotropin» degan eski nomi shundan kelib chiqkan. Onaliq instinkti yuzaga chiqishiga va sariq tana tuxumdonlar faoliyat ko‘rsatishiga imkon beradi, uning gormonlari homilaning bachadon devoriga yopishishini ta`minlaydi.
Antidiuretik gormon (vazopressin) bo‘yrak naychalarida suvning qayta so‘rilishini ma`lum darajada quvvatlab turadi, ya`ni ajraladigan siydik mikdorini kamaytiradi. U etishmaganda siydik ajralishi keskin ko‘payadi, bu qandsiz diabetga olib kelishi mumkin.