Akmalov Saidxòja ikm-60 1-topshiriq Operativ lizing

Lizing faoliyatidagi asosiy muammolar va yechimlar (o’z fikringiz)?

Mamlakatimizda lizing faoliyati bilan bir qancha muammolar mavjud bo‘lib, bularni lizing oluvchi tomonidan ko‘rib chiqish maqsadga muvofiq. Lizing oluvchining eng katta muammosi sifatida risk, masalan lizing obyektini yo‘qolishi, o‘g‘irlanishi yoki shikast yetishidir. Lizing shartnomasiga ko‘ra lizing obyektiga mas’ul shartnoma amal qiladigan muddatda lizing oluvchi hisoblanadi. Bu muammoni yechimi sifatida lizing obyektini sug‘urtalashni keltirishimiz mumkin, lekin baribir obyekt sug‘urtasi uchun ham lizing oluvchi javobgar bo‘lib qolaveradi.

Yana bir qiyinchilik tug‘diradigan jihati shuki, uzoq muddatli bank krediti berilganida kreditdan foydalanganlik uchun foizlar to’lash soliq to‘langanidan keyin foyda hisobidan amalga oshirilsa, lizing berilganida bu to‘lovlar boshqa to‘lov bilan birga mahsulot tannarxiga kiritiladi. Ya’ni, tannarx hisobiga o‘tishi natijasida lizing summasi qimmatroq bo‘ladi.

Shuningdek, O‘zbekiston iqtisodiyotida lizing oluvchilar mavjud bo‘lsa, ammo yangi texnologiyani ishlab chiqaruvchilar, lizing kompaniyasi sifatida xizmat ko‘rsatadigan va o‘z moliyaviy mablag‘lariga yetarli darajada ega bo‘lgan tashkilotlar yetarli emasligi yana bir muammoni yuzaga keltiradi. Bu esa, o‘z navbatida ushbu jihatdan kerakli bozor infratuzilmasini yaratish, rivojlantirish, takomillashtirish va uning asosida lizing munosabatlarining obyektivligini ta‘minlashni talab etadi.

Lizingning vujudga kelishi ishtirokchilar manfaatlarining kelishuvini talab qiladi. Manfaatlar mos tushgan holdagina lizing munosabatlari o‘rnatiladi. Demak, lizingi rivojlantirishning asosiy omillaridan biri obyektiv ravishda lizing ishtirokchilari manfaatlarini keltirib chiqarish, ularni kelishuv muhitini yaratishdir.