Акциядорлик тижорат банки «Қишлоқ қурилиш банк»нинг Навоий минтақавий филиали тўғрисида

Ўзбекистон Республикаси
Марказий банки томонидан
2014 йил “___”_________да
_____ - рақам билан
рўйхатга олинди
Ўзбекистон Республикаси
Марказий банки Раисининг
биринчи ўринбосари
___________ У.М. Мустафоев
Акциядорлик тижорат банки
«Қишлоқ қурилиш банк»нинг
Навоий минтақавий
филиали тўғрисида
НИЗОМ


(Янги таҳрири)

ТАСДИҚЛАНДИ:

Банк Кенгашининг
2014 йил «___» _______даги
_____-сонли қарори

АТБ «Қишлоқ қурилиш банк»

Кенгаши Раисининг ўринбосари

_________________ А.Р. Тохтаев

1. Умумий қоидалар

1. 
   АТБ «Қишлоқ қурилиш банк»нинг (кейинчалик ‒ Банк) Навоий минтақавий филиали (кейинчалик ‒ Филиал) Ўзбекистон Республикасининг «Банклар ва банк фаолияти тўғрисида» Қонунида белгиланган тартибда ташкил этилган.
   
2. 
   Филиал Банк номидан банк операцияларининг барчасини, шу жумладан филиал жойлашган ҳудудда ваколатхона (вакил) вазифаларини амалга оширувчи
   АТБ «Қишлоқ қурилиш банк»нинг алоҳида бўлинмаси ҳисобланади.
   
3. 
   Филиал юридик шахс ҳисобланмайди ва у рўйхатга олинган вақтдан бошлаб ўз фаолиятини бошлайди. Филиал ўз фаолиятини ушбу Низом ва Банк томонидан берилган ишончнома доирасида Банкка берилган лицензия асосида амалга оширади. Шу билан бирга, Филиал Ўзбекистон Республикаси қонун ҳужжатларига, Банк Уставига, шунингдек Банк акциядорларининг Умумий йиғилиши, Банк Кенгаши ҳамда Банк Бошқаруви қарорларига амал қилади.
   
4. 
   Филиал Банк томонидан мол-мулк билан таъминланади. Банкнинг Филиалга бериб қўйилган мол-мулки Банкнинг балансида ҳисобга олинади. Филиал ўзига ажратилган маблағлар ва мулкларни унга берилган ҳуқуқлар доирасида ҳамда ушбу Низомга мувофиқ эгалик қилади, фойдаланади.
   
5. 
   Филиал Банк номидан фаолият юритади. Филиал ўз компетенцияси доирасида қабул қилган барча мажбуриятлар учун Банк масъулдир.
   
6. 
   Филиал ўзининг номи ва Филиал Банкка тегишлилигини кўрсатувчи муҳр, штамп ва бланкаларга эга.
   
7. 
   Филиал ходимлари Филиалнинг банк сирини ташкил қилувчи маълумотларни сир сақлашлари шарт. Банк сирини ташкил қилувчи маълумотлар қонунчиликда белгиланган тартибда ошкор қилиниши мумкин.
   
8. 
   Филиал жойлашган ери (почта манзили): 210100, Навоий вилояти, Навоий шаҳри, Ғалаба шох кўчаси, 149 A-уй.