Халқаро тижорат операцияларининг мазмуни ва моҳияти

Халқаро тижорат операцияларининг мазмуни ва моҳияти.
1.1.»Халқаро тижорат иши» ва «Халқаро тижорат операциялари»
мазмуни.
1.2.Халқаро тижорат операцияларининг турлари.
1.3. Халқаро савдо битимларининг моҳияти ва мазмуни.
1.4. Халқаро савдо битимларининг ҳусусиятлари

1. 
   

1.1.«Халқаро тижорат иши» ва «Халқаро тижорат операциялари» мазмуни.
Халқаро тижорат иши - бу моддий бойликлар ва хизматларни халқлараро алмашувида хизмат қилувчи халқаро тижорат операцияларини ташкил этиш ва ўтказиш техникаси билан боғлиқ бўлган назарий ва амалий билимларнинг алоҳида бир кўламидир.
Ўзаро айирбошлаш вужудга келиши учун бир-бири билан боғлик бўлган аниқ бир харакатларни амалга ошириш керак:

• 
  харидорни топиш;
  
• 
  у билан шартнома тузиш, шартномада ҳамма шартларни келишиш, яъни товар, унинг миқдори, сифати, нархи, етказиб бериш муддати ва ҳоказо;
  
• 
  шартномани бажариш: товарни етказиб бериш учун тайёрлаш, харидорга етказиш, етказиб берилган товар учун ҳисоб-китоб қилиш.
  

Бу харакатлар тижорат хусусиятига эга, айирбошлаш операциялари эса тижорат операцияларидир. Айирбошлашнинг маъноси, бу моддий бойликларни ва хизматларни айирбошлаш жараёнини амалга оширишда инсонларнинг ҳар хил фаолиятларини тартибга солиш, йўналтириш ва ташкил этиш демакдир. Булар тижорат фаолиятини мазмунини англатади.
Тижорат фаолияти орқали амалда фирмани истеъмолчилар бозордаги контрагентлар билан алоқаси рўёбга оширилади.
Агар алоқалар чет эл контрагентлари билан амалга оширилса, бу фирманинг ташқи иқтисодий фаолияти бўлиб, фирманинг ички бошқарувига тааллуқли бўлади.
Халқаро тижорат операциялари - бу халқаро бозорда товар айирбошлаш операцияларини амалга ошириш билан боғлиқ бўлган масалаларни хал қилишни таъминловчи баъзи ташкилий структуралар ва алоҳида фирмалар фаолиятидир. Бу ҳар хил давлатлардаги контрагентларининг ўзаро фаолияти бўлиб, халқаро амалиётдаги шакл ва усуллардан фойдаланиб бажарилади.
Шундай қилиб, халқаро тижорат иши мазмуни деганимизда, халқлараро товар айирбошлаш, хизматлар кўрсатиш, илмий-техника ютуқлари ва ишлаб чиқаришда ҳамкорлик қилишни халқаро тижорат операциялари орқали амалга оширилиши тушунилади.