Акциядорлик тижорат банки «Қишлоқ қурилиш банк»нинг Навоий минтақавий филиали тўғрисида

6. Филиал фойдасини тақсимлаш

1. 
   Филиал олган фойда Банк акциядорларининг Умумий йиғилиши қарори ва Банк белгилаган тартибда тақсимланади.
   

7. Филиални бошқариш

1. 
   Филиал фаолиятига Банк Бошқаруви умумий раҳбарлик қилади. Филиал Навоий вилоятида жойлашган Банкнинг туман филиаллари фаолиятини мувофиқлаштиради ва Банк белгилаган қоидалар асосида назорат олиб боради.
   
2. 
   Филиал бошқарувчиси ва бош ҳисобчиси Марказий банк билан келишилган ҳолда банк Бошқаруви томонидан тайинланади. Бошқарув раиси Банк номидан Филиал бошқарувчиси билан меҳнат шартномасини тузади.
   
3. 
   Филиалдаги бошқа ходимлар билан меҳнат шартномаси тузиш ва бекор қилишнинг, меҳнатга доир бошқа муносабатларни шакллантиришнинг умумий тартиби ва қоидалари Банк Бошқаруви ҳамда Банк Бошқаруви раиси томонидан белгиланган тартибда амалга оширилади.
   
4. 
   Филиал бошқарувчисининг ваколатлари ушбу Низомда ҳамда Банк Бошқаруви раиси томонидан бериладиган ишончномада белгилаб қўйилади. Жумладан, Филиал бошқарувчиси:
   

• 
  Филиалнинг жорий фаолиятига раҳбарлик қилади ҳамда Филиал зиммасига юклатилган вазифалар бажарилиши учун шахсан жавобгар бўлади;
  
• 
  Филиалга берилган ваколатлар доирасига кирувчи масалалар юзасидан буйруқ, фармойиш ва қарорлар қабул қилади;
  
• 
  молия-хўжалик муносабатларини ташкил қилишда маҳаллий ва давлат бошқаруви органларида Филиал номидан иш юритади;
  
• 
  ишончнома асосида Банк номидан шартномалар тузади ва уларнинг бажарилишини таъминлайди;
  
• 
  тасдиқланган штатлар жадвалига мувофиқ Филиал ходимларини лавозимга тайинлайди ва уларни ишдан бўшатади, Банк номенклатурасига кирувчи штатлар бундан мустасно;
  
• 
  ўрнак кўрсатган Филиал ходимларини рағбатлантириш, шунингдек зарурият бўлганда, Филиал ходимларига нисбатан интизомий жазо қўллаш ва улардан интизомий жазони олиб ташлаш тўғрисида қарор қабул қилади;
  
• 
  Банк ва Филиал фаолиятига оид таклифларни кўриб чиқиш учун Банк Бошқарувига киритади;
  
• 
  ушбу Низомдан келиб чиқувчи бошқа вазифаларни бажаради.
  

5. 
   Филиал бошқарувчисининг ўринбосари бошқарувчи йўқлигида бошқарувчи вазифаларини бажаради.
   
6. 
   Филиал бош бухгалтери Филиал бошқарувчисига бўйсунади, бухгалтерия ҳисобини юритиш масалалари бўйича эса Банк бош бухгалтери кўрсатмаларига амал қилади.