A’jiniyaz do’retiwshiliginde turaqli so’z dizbeklerinin’ qollaniliwi

Shayir poeziyasinda qollanilǵan turaqli sóz dizbeklerin sóz shaqaplarina ajiratiw

Leksikalıq-grammatikalıq jaqtan frazeologiyalıq sóz dizbekleriniń ajıralmaslıǵı, pútinligi, turaqlılıǵı, kóbinese bir leksikalıq birlik sıpatında qollanılıwı olardı jeke sózler xızmetinde belgili bir sóz shaqabına qatnaslı jobada qarawǵa da mǵmkinshilik beredi. Máselen, kóz benen qastıń arasında degen sóz dizbegi tórt komponentten turadı. Olardıń hár biri dara-dara qollanılǵanda, álbette, kontekst ishinde de, onnan tısqarıda da anaw ya mınaw sóz shaqabına tiyisli bolıp keledi. Al,bul jerde olar ózleriniń jeke mánilerinde emes, jıynalıp barıp pútin bir mánini ańlatıw ushın xızmet etip tur. Sonlıqtan da, kóz benen qastıń arasında degen sóz dizbegi bir birlik sıpatında bahalanadı, mánisi jaǵınan demde, tez degendi ańlatadı.

Ájiniyaz poeziyasında qollanılǵan frazeologiyalıq sóz dizbekleriniń anaw ya mınaw sóz shaqabına qatnasın anıqlawda biz olardıń dáslepki formasın, sol formalarda qollanılıwın kózde tutamız. Mine usı esaptan shayır shıǵarmalarında kelgen turaqlı sóz dizbekleriniń eń baslı mınaday toparların anıqlawǵa boladı: