Ахборот т е хнол огиялари

Тасвирларни сақлаш. Жуда катта миқдордаги ҳужжатларни исталган шаклда узоқ вақт сақлаш зарур бўлади. Уларнинг сони шу қадар кўп бўлиши мумкинки, уларни ҳатто файллар шаклида сақлаш ҳам жиддий муаммолар туғдиради. Шунинг учун ҳам у компьютернинг ташқи хотирасида бундан кейин ҳам сақлаш учун ҳужжатнинг ўзини эмас, балки образининг (тасвирини) рақамли шаклда сақлаш ғояси туғилди. Тасвирларни сақлаш (ima ging) истиқболли офис технологияси ҳисобланади ва махсус қурилма -образларнинг оптик танигичдан фойдаланиб, ҳужжат ѐки фильм тасвирини рақамли шаклга ўгириш имконини беради. Рақамли форматда сақланган тасвир исталган вақтда экранга ѐки принтерга ўзининг ҳақиқий шаклида чиқариб берилиши мумкин. Тасвирларни сақлаш учун ҳажми жуда катта бўлган оптик дисклардан фойдаланилади. Масалан, беш дюймли оптик диск 200 мингга яқин саҳифани ѐзиб олиши мумкин.
Факсимиль алоқа. Бу алоқа коммутация каналининг бир учидаги ҳужжатни ўқиш ва унинг тасвирини коммутация каналининг иккинчи учида қайта тиклаб бера оладиган факс-аппаратларидан фойдаланишга асосланган. Факсимиль алоқа муайян муаммони ҳал қилаѐтган гуруҳ иштирокчиларига, уларнинг географик жойлашувидан қатъи назар, ҳужжатларни тез ва осон етказиб бериш ҳисобига қарорлар қабул қилишга ўз ҳиссасини қўшиб келмоқда
Эксперт тизимлар ахборот технологиялари
Ҳарактеристикаси ва қўлланилиши
Компьютер ахборот тизимлари ичида сунъий интеллект асосида эксперт тизимлар яратиш тез ривожланиб бормоқда.
Эксперт тизимлар билимлар базасига тўпланган ахборотлар ѐрдамида ҳар қандай фойдаланувчи ѐки мутахассисга қарор қабул қилиш учун фикр ѐки маслахат (консультация) беришга хизмат қилади.
Сунъий интеллект деганда, одатда компьютер тизимларининг инсон каби фикр юритиши тушунилади.
39
Сунъий интеллект сохасида олиб борилаѐтган изланишлар натижасида, эксперт тизимлар билан чегараланиб қолмай, балки улар ѐрдамида роботлар, инсон нерв системаларининг моделларини яратиш хам йўлга қўйилмоқда. Ижтимоий масалаларни хал этиш ва муаммоларни ечишда, тўғри хулосалар ва қарорлар қабул қилишда махсус билим ва тафаккур талаб қилинади.
Эксперт тизимнинг асосий мақсади эса, экспертларнинг (соханинг
билимдонлари) билимларини компьютер хотирасига жойлаштириб,
муаммоларни хал этишда улардан фойдаланишдан иборатдир