Ахборот т е хнол огиялари

Матнли процессор - матнли ҳужжатларни яратиш ва ишлов бериш учун мўлжалланган амалий дастурий маҳсулот туридир. У сўзларни қўшиш ѐки олиб ташлаш, гаплар ва хат бошиларни бошқа жойга кўчириш, формат белгилаш, матн элементлари ва режимлари билан турли ҳаракатларни амалга ошириш имкониятини беради. Ҳужжат тайѐр бўлганида ходим уни ташқи хотирага ѐзиб қўяди, сўнгра босмадан чиқаради ва зарурият бўлса компьютер тармоғи бўйича узатади. Шундай қилиб, менежер ихтиѐрида ѐзма коммуникациянинг самарали тури бўлади. Матнли процессор ѐрдамида тайѐрланган хатлар ва маърузаларни мунтазам олиб туриш менежерга фирмадаги вазиятни доимо баҳолаш имконини беради.
Электрон почта (E-mail) - компьютерлардан тармоқда фойдаланишга асосланган бўлиб, фойдаланувчига тармоқ бўйлаб ўзининг шерикларига хабарлар юбориш, олиш ва сақлаш имкониятини беради. Бу ерда фақат бир томонлама алоқа бўлади. Бундай чеклов, кўплаб тадқиқотчиларнинг фикрига кўра, жуда муҳим эмас, чунки юзтадан элликта ҳолатда хизмат бўйича телефонда сўзлашувларнинг мақсади фақат ахборот олишдан иборат бўлади. Икки томонлама алоқани таъминлаш учун электрон почта бўйича хабарларни кўп карра жўнатиш ва олишга ѐки коммуникациянинг бошқа усулидан фойдаланишга тўғри келади.
Аудиопочта. Бу почта хабарларни овоз билан юбориш учун мўлжалланган. У электрон почтага ўхшаб кетади, фақат фарқи Сиз хабарларни компьютер клавиатураси ѐрдамида териб эмас, балки телефон орқали узатасиз. Юборилган хабарларни ҳам худди шу тарзда телефон орқали оласиз. Тизим аудиосигналларни рақамли кодга ва аксинча - рақамли кодларни аудиосигналларга ўзгартириш учун махсус қурилмани, шунингдек аудиохабарларни рақамли шаклда сақлаш учун компьютерни ўз ичига олади. Аудиопочта ҳам тармоқда амалга оширилади. Аудиохабарларни узатиш почтасидан муаммоларни гуруҳ бўлиб ҳал қилиш учун муваффақиятли фойдаланиш мумкин. Бунинг учун хабар юборувчи қўшимча тарзда, ушбу хабар кимларга мўлжалланган бўлса, шу шахсларнинг рўйхатини кўрсатиши зарур. Тизим барча кўрсатилган шахсларга хабарни узатиш учун уларга мунтазам қўнғироқ қилиб туради. Аудиопочтанинг электрон почтага нисбатан асосий афзаллиги унинг оддийлигида бўлиб, ундан фойдаланишда хабарларни клавиатура ѐрдамида киритиб ўтириш зарур эмас.