Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Haýy gaçmak (gitmek) —1. Bady ýatmak, ugry gaçmak, ysgyndan düşmek, gowşamak, ýuwaşamak. Eziziň haýrynyň gaçanyny, onuň daşyna geçýänlerini-de duýýardy. Soňky gez Agsak mürzäniň haýyny gaçyrdy (B. Kerbabaýew). Biri-birine degşip duran. Haýy gidip ýegşip duran (A. Baýmyradow). 2 Sandan galmaga ýakynlamak, ýyrtylyp ýa-da ýumrulyp başlamak, könelmek. Ýegşerdipdir agyr durmuş, Jaýlaryň-da gaçdy haýy (Ç. Aşşyr)

Haýy gidip, waýy galmak — 1. Ysgyndan, tapdan düşmek, güýç-kuwwatdan aýrylmak. Indi bäş güniň üçüdir, agzyma et degenok, haýym gidip, waýym galdy («Türkmen halk ertekileri»). 2. Dargap başlamak, ýykylypýumrulyp başlamak.

Haýyny almak — 1. Güýç-gujurdan aýyrmak. badyny gowşatmak, haýbatyny syndyrmak, ysgyndan gaçyrmak. Bezirgen aldy haýymy. Tas syndyrypdy ýaýymy («Görogly»). Şol sowal Gulluhanyň hanyny alsa-da, daşky ýüze ol ýer gozgalaňyny bildirmezlige çalyşdy (B.Kerbabaýew). Diýdi: — Berekella oňardyň özüň, Garrynyň haýyny aldy şol sözüň (T. Esenowa). 2. Gutaryp barmak, azaltmak, gutaraňkyrlamak.