Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Hara dönmek —1. Zaýa bolmak, taşlanda öwrülmek, berbat bolmak. Gyzyl gül hara döndi! (Andalyp). 2. Agyr ýagdaýa düşmek, gözden düşmek.

Haýata söýemek — 1. Intizar etmek, ýoluna garatmak, garaşdyrmak, Gelerin diýen wagtyň gelmediň-le, edil haýata söýäýdiň-le. 2. Soragideg etmän atmak, dik duran ýerinde atmak. Näderler öýdýärsiň?... Ýa türmä basarlar, ýa-da göni haýata söýärler (B. Kerbabaýew).

Hezili gaçmak — 1. Azalmak, gutaraskyrlamak. Üzümiňem indi hezili gaçdy, galanyny ara aldyrmankak ýygnalyň. 2. Eňki agmak, essi aýylmak, ysgyny gitmek, haly peselmek; ugry bolmazlyk, sussy peselmek. Soňra Durhan oba hakda soraşdy, Ata Köpegiň hem hezili gaçdy (Ata Köpekmergen). Syrkawyň hezili gaçdy.

Hezilini almak — 1. Azaltmak, gutaryp barmak. 2. Keýpini bozmak, mazasyny gaçyrmak, neşesini uçurmak, aljyratmak. Dagyduwara biziň gapymyza köw salaýsaň, heziliňi alaryn! — diýip, onuň yzyndan hemle urdy (A. Gowşudow).

Hek etmek — 1. Doly berjaý, amal etmek, hötdesinden gelmek, kemini goýman ýerine ýetirmek, başarmak, oňarmak. Näme buýruk buýursaň, eglenmän hek ederin. Balykçy-da tüýdük çalyp bilmezmi? Hek ederin.(G. Muhtarow). Näme alman? Hek etse bor, halypa! Nä-me, baýyň babasynyň mülkümi? (A. Atajanow). Öz-ä hele-hüle zat däl-ow, başardarmyka? — Hek ederin (B. Pürliýew). 2. Kül etmek, ýok etmek, külüni sowurmak, heke döndürmek. Hek ederin, kaka, bulara diňe ýarag güýji gerek (G. Muhtarow). Döwäýmänmi, hek etjek (A. Durdyýew). Wah, jan oglum, ony gurçuk iýip hek eder! (N. Pomma).