Agza aňkarmak — Kişi maslahatyna gulak gabartmak; biriniň pikirine eýermek.— Garrylaryň agzyna aňkarylmazlar-da, öz etjegiňi edibirler (A. Gowşudow). Öz ýanyndan ol adam hem Hoşgeldini “sary agyz”, göreniň agzyna aňkaryp ýören hasaplady

Gözi gyzarmak — 1. Çakdan geçmek, hetden aşmak. Indi onuň gözi gyzarypdyr, hemişeki polady ýumşaklygy ýok. 2. Serhoş bolmak.

Gözüni çykarmak— 1.ser. Gözüni oýmak.— Urman, gözünem çykaryn, gözi çykmyşyň! — Asyl, seniň jigeriňi çykarmaly! Sen razy bolmasaň, jigeriňi däl, gözňem çykararlar... (H. Derýaýew). 2. Hötde gelmek, hetden aşmak, öte gitmek. Sen juda gysyklygyň-da gözüni çykararsyň (A. Durdyýew). — Bolsa-da, Narly, sen nakyslygyňam gözüni çykarýarsyň. Düşünjeli adama meszeş däl (N. Pomma).

Gözüň gyzarmak — 1. Gazaplanmak, gaharlanmak. Eziz sandyrady, gözleri ojar ýaly gyzardy. Eziziň gözleri gan çylgymlary bilen gyzardy (B. Kerbabaýew). Kriwsowyň gözleri öňküdenem beter gyzardy (B. Seý-täkow). 2. Päliňi azdyrmak, ulumsylyk, äsgermezlik etmek. Indi Hywa galasynyň düýpjagazynda ýetmiş tanap ýeriň eýesi bolan Muhammetkerim ýasawulbaşynyň gözi gyzardy (B. Seýtäkow). Şeýle hormatlar we hez-zetler onuň pälini azdyrypdy hem-de gözlerini gyzardypdy (N. Saryhanow). Baýlar olaryň mugt zähmetlerini çepbe çeýnäp, gözleri gyzaranda, şol durmuşa, adata sygmaýan, kanunsyz işler edýä (H. Derýaýew).

Göz ýummak — 1. Görmezlige salmak, biperwaýlyk etmek, owarram etmek. Siz näme üçin käte göze dürtülip duran hakykatdan hem göz ýumýarsynyz? Men beýle nähak işe göz ýumup durup bilmen (B. Kerbabaýew). Oba sowetimiz göz ýumup otyr, Diýip gürrüň edäýmäge «gorkýasam» (A. Salyh). Içimiz hümledip dymdyk-da ýördük, Köp zada gözümiz ýumduk-da ýördük (Ýa. Pirgulyýew). 2. Wepat bolmak, aradan çykmak ölmek. Men öz pikirimden gözüm ýumulanda dänerin! (B. Kerbabaýew). Gujagynda gözün ýumdy maraly: Ýok, jahanyň onuň üçin parhy ýok (A. Atajanow). Ol, «Sowetleriň barlygynda azatlygyň güni ýaşmaz! Her ýer, her tarap onuň şöhlesini görer» diýip, gözüni ýumdy (M. Ibragimow).

Gökden düşen (gaçan, inen) ýaly — 1. Dundansyz gelen garaşylmanka bir ýerden çykan (adam, zat hakda). Birden gökden düşen ýaly bolup, bularyň goşunda üç atly, bir pyýada dört sany ýaragly adam häzir boldy. Şol mahal edil gökden inen ýaly bolup, Wepanyň egniniň üstünde bir gara peýda boldy (A. Gowşudow). Ýaşuly gökden düşen ýaly, bu ýerde peýda

bolan bu mylaýym adama yhlas bilen seretdi («Sowet edebiýaty»). 2. Aňka-taňka bolmak, bilmän galmak, Näme, näme düşünmedim, Edil gökden gaçan ýaly (K. Gurbannepesow).Gökden düşen ýaly bolma! Pagta bar, pagta bar, Sülgün (A. Atajanow).