Agrobiocenoz diyqanshiliqta ju'zege keletug'in biocenoz

Ekonomikaliq sebepler – bul tiykarinan jergilikli jerge qolaylastirilg`an ha`m joqari o`nim beretug`in o`simlik tu`rin ha`m sortin tan`law. Almaslap egiw  sxemasina kiritilgen eginlerdin` tu`ri ha`m sorti, olardin` salistirma salmag`i sol jerdin` klimat ha`m topiraq jag`dayina tuwri keletug`in boliw kerek. Eger almaslap egiw  sxemasi duris tan`lansa, tek zu`ra`a`t artip qoymastan, qollanilatug`in agrotexnikaliq ilajlardin` paydalilig`i a`dewir artadi. Almaslap egiw duris ju`rgizilse g`awashanin` zu`ra`a`tligi 20-25 protsentke, qollanilg`an to`ginlerdin` ta`siri 30-33 protsentke artadi, g`awashanin` suwg`a bolg`an talabi 20% ke kemeyedi ha`m materialliq shig`inlar 10-15 protsentke qisqaradi.

Awil xojaliq eginlerinen joqari zu`ra`a`t aliw, topiraq o`nimdarlig`in saqlaw ha`m oni arttirip bariwda eginler strukturasin duris tan`law a`hmiyetli orin tutadi.

Eginler strukturasin duris belgilew birinshi gezekte awil xojaliq eginlerinen joqari zu`ra`a`t aliwg`a tiykar bolsa, ekinshiden topiraq o`nimdarlig`in saqlawda sheshiwshi rol atqaradi.

Sonin` ushin barliq eginler almaslap egiw  sxemasina kiritilip, eginler o`z orni, waqti menen almastirilip turiliwi kerek (professor U.E.Ismaylov).