Agrobiocenoz diyqanshiliqta ju'zege keletug'in biocenoz

Almaslap egiw sxemalari tiykarinda rotaciya kestelerin duziw

 

Jillar dawaminda almaslap egiw atizlarinda zu`ra`a`tti ha`m topiraq o`nimdarlig`in arttiriwg`a qa`ratilg`an eginlerdin` ilimiy tiykarlang`analmasiliwina almaslap egiw dep aytiladi.

Ol barliq agronomiyaliq ilajlardin` tiykari bolip, olardan topiraqti islew sistemasi, aziqlandiriw, topiraqti qorg`aw, eginlerdi jabayi o`simliklerden, ziyankeslerden ha`m keselliklerden qorg`aw bolip esaplanadi.

Tiykarg`i egin aldinan bir jil burin egilgen awil xojaliq eginlerin tiykarg`i egin aldi egini dep ataladi.

Almaslap egiw o`simlik ha`m  topiraqqa ta`sirinin` ken`ligi ha`m ha`r qiylilig`i boyinsha agronomiyaliq ilajlardin` ishinde en` tiykarg`isi esaplanadi. Onin` o`simlikke ta`siri ha`r ta`repleme bolip, topiraqtag`i qubilislarg`ada ta`sir etedi.

Almaslap egiw topiraq aziq zatlarinin` ha`m to`ginlerdin` jiynaliwina ha`m jaqsi o`zlestiriliwine qolayli jag`day jaratadi, fizikaliq qa`siyetlerinin` jaqsilaniwina ha`m uslap turiwina, topiraqti qorg`awg`a, jabayi o`simliklerdin`, keselliklerdin` ha`m ziyankeslerdin` tarqaliwinin` aldin aladi. Almaslap egiwdin` na`tiyjesinde topiraq o`nimdarlig`i ha`m awil xojalig`i eginlerinin` zu`ra`a`tligi artadi.

       Almaslap egiwdin` negizinde ilimiy tiykarlang`an egislik maydani jatadi, yag`niy awil xojaliq eginlerinin` iyelegen maydaninin` uliwma maydang`a salistirg`anda salistirma salmag`inin` protsentte ko`rinisi. Ol xojaliqtin` qa`nigelesiwi, ma`mleketlik buyirtpa ha`m topiraq-klimat jag`daylarin esapqa alg`an tu`rde islep shig`iladi.

Ha`r bir atizda bir eginnin` uzaq mu`ddet egiliw jag`dayinda bul egin u`zliksiz egin dep ataladi. Eger xojaliqta bir egin egilse – monokultura (jeke egis) dep ataladi.