Agrobiocenoz diyqanshiliqta ju'zege keletug'in biocenoz

Parazit jabayi o`simlikler. Parazit jabayi osimlikler g`a`rezsiz jasaw uqibina iye emes, fotosintez qa`bileti joq, yag`niy ol ba`rqulla parazit emes jabayi o`simlikler yamasa ma`deniy o`simlikler menen jasap, olar esabinan aziqlanadi. Olar haqiyqiy ha`m yarim parazit jabayi o`simliklerge bo`linedi.

Haqiyqiy parazitler-bir jilliq o`simlik bolip, olarda japiraq, tamir bolmaydi, basqa o`simliklerdin` paxali, japirag`i ha`m tamirlarindag`i shire menen aziqlanadi. Olarda xlorofill bolmag`ani ushin jasil bolmaydi. Parazit o`simlikler o`zleri ziyanlaytug`in o`simliklerdi soriw jerine qarap paxal parazitiha`m tamir parazitine bo`linedi.

Sari sho`p paxallarinin` ren`i, gul du`zilisleri, tarqaliw jerleri ha`m basqa qa`siyetlerine qarap bir-birinen pariq qiladi. Olardin` ha`mme tu`rleri karantin esaplanadi. Sari sho`p-shirmawiqlar semeystvosina tiyisli bir jilliq paxal paraziti. Onin` tuximi 18-20<sup>0</sup>С da osip 6 sm teren`likten ko`gerip shig`a aladi. Bir tu`bi 60-100 min` danag`a shekem tuxim payda etedi. Ko`geriwshen`ligin 6 jilg`a shekem saqlaydi. Paxali sabaq ta`rizli. Shaqalang`an, ashiq sari ren`de. Gu`li qalin` gu`l toplamda, aq yamasa aq jasil. Miywesi shar siyaqli eki uyali to`rt tuximli qaltasha. Tuximi shar ta`rizli, sarg`ish yamasa qon`ir, uzinlig`i 1,2-2,5 eni 1-1,5 mm, 1000 dana tuximinin` salmag`i 1-1,2 g.

Sari sho`p eginler o`niminin` kemeyiwine ha`m pu`tkilley o`nim bermeytug`in halg`a keliwine sebep boladi. Ol payda bolg`an maydandag`i o`simlikler tu`binen orip alinip, gerbitsidler sebiledi.