Agrobiocenoz diyqanshiliqta ju'zege keletug'in biocenoz

Tamirpaxalli jabayi o`simliklerdin` wa`killeri ko`p ha`m ha`r qiyli bolip eginlerge u`lken ziyan keltiredi. Olardin` tamiri jaqsi rawajlang`an ha`m ha`r bir buwininan jan`adan o`simlik o`sip shig`iw qa`siyeti bar.         Sonin` ushin olardi tamirpaxalli o`simlik dep ataydi.

Tamirpaxalli jabayi o`simliklerdin` biologiyaliq belgilerinen biri olardin` jasawi uzaq da`wir saqlaniwi ha`m ondag`i ha`r bir bu`rtiklerden jan`a o`simtelerdin` payda boliwi esaplanadi Olardin` bunday usilda ko`beyiwi vegetativ ko`beyiw dep ataladi.

Oqtamirlilar-bul gruppag`a kiriwshi jabayi o`simlik uliwma belgisi-olardin` tiykarg`i, yag`niy oqtamiri topiraqtin` teren` (1-3 metr) qabatlarina kirip baradi. Tiykarg`i tamirdan ko`plep qaptal tamirlari tarqalg`an boladi.

Tamirpaxallari tiykarinan jerdin` su`rilmeytug`in bo`leginde gorizontal bag`itta rawajlanip ma`deniy eginlerdi ha`r ta`repleme qisadi. Orayliq Aziyada tamirpaxalli jabayi o`simlik ken` tarqalg`an bolip, bizin` jag`dayimizda olarg`a ajiriq, qamis, salamaleykum, atiz qiriqbuwini, g`umay, myata, ha`m basqalar misal boladi.