Agrobiocenoz diyqanshiliqta ju'zege keletug'in biocenoz

Ko`p jilliq jabayi o`simlikler

Bul biologiyaliq toparlardag`i jabayi o`simlik tu`rli semeystvolarg’a tiyisli bolip 300 den aslam tu`rdi quraydi ha`m olardin` ko`beyiwi generativ (tuximnan) ha`m vegetativ (tamirpaxal, tamir bo`rtiklerinen) organlari arqali boladi. Olar o`siw da`wiri dawaminda bir neshe ma`rte o`nim (tuxim) beredi ha`m ha`r jili qista onin` jer u`sti paxallari quwraydi. Qislag`an jer asti organi-tamir awizi yamasa tamir paxallarinan qayta jan`a paxallar o`sedi ha`m rawajlanadi. Ko`p jilliq jabayi o`simlikler jer u`sti ha`m jer asti organlarinin` du`zilisine qarap gruppalarg`a bo`linedi. Jer u`sti bo`legine qarap, tik,jer bawirlap, shirmasip ha`m o`rmelep, jer asti bo`legine qarap oqtamirlilar, tamirpaxallilar, tamir tu`ynekler, shashaq tamirlilar, piyazbaslilar, ha`m basqalarg`a bo`linedi.