Agar fanga oid terminlar noaniq bo‘lsa, fanning o‘zi noaniqdir

Davriy qonun va kimyoviy bog‘lanish: 1. D.I.Mendeleevning hayoti va ijodi. 2. Davriy qonun va davriy sistema. 3. Elementar zarrachalar. 4. Radioaktivlik. 5. YAdroviy reaksiyalar. 6. Kvant sonlari. 7. Atomlarning davriy xossalari. 8. Kimyoviy bog‘lanish. 9. Gibridlanish. 10. Kristall panjaralar.

Davriy qonun va kimyoviy bog‘lanish
Dmitriy Ivanovich Mendeleev 1834 yil 27 yanvar kuni Tabolsk shaxridagi gimnaziya va uchilishe direktori I.P.Mendeleev oilasida 14 farzand bo‘lib tug‘uldi. D.I.Mendeleev gimnaziyani Tabolsk shaxrida tugatib, S.Peterburgdagi Bosh pedagogika institutiga 1850 yilda o‘qishga qabul qilindi. 1855 yil u institutni qizil diplom bilan tugatib, avval Simferopol keyin Qrim gimnaziyalarida o‘qituvchilik qildi. 1857 yildan S.Peterburgga qaytib universitetda ilmiy-pedagogik faoliyatini boshladi. Universitetda u umumiy kimyo, keyin organik kimyodan ma’ruza o‘qidi. 1859-60 yy. Geydelbergda komandirovkada bo‘lib, Bunzen, Kirxgof, Koni kabi buyuk ximiklar bilan tanishib, tajriba oshirib keldi. 1861 yil Peterburgga qaytib, “Organik kimyo” kitobini chiqardi. Unga 1864 yilda professor unvoni beriladi. 1865 yilda “Spirtning suv bilan birikmalari” nomli ilmiy ishini e’lon qildi. 1868 – 1871 yillar Dmitriy Ivanovich davriy qonun va davriy sistema ustida ishlagan. 1871 – 1875 yillarda u gaz qonunlari, meteorologiya va havo sharlari ustida ko‘p ishlar qildi (1887 yilda quyosh tutilishini kuzatish uchun u havo sharida parvoz qiladi). 1890 yildan boshlab harbiylarning zakazi bilan tutunsiz porox yaratish ustida ish boshlaydi.