Agar fanga oid terminlar noaniq bo‘lsa, fanning o‘zi noaniqdir

Dissotsilanish konstantasi



Kuchli va kuchsiz elektrolitlar
Ionlarga to‘liq ajraladigan (dissotsilanadigan) moddalar kuchli elektrolitlar deyiladi. Masalan: a) deyarli barcha tuzlar, b) kuchli kislotalar: HClO₄ – Perxlorat kislota, H₂SO₄ – Sulfat kislota, H₂S₂O₇ – Disulfat kislota, HNO₃ – Nitrat kislota, HI – Yodid kislota, HBr – Bromid kislota, HCl – Xlorid kislota, HMnO₄ – Permanganat kislota, HIO₄ (H₅IO₆) – Peryodat kislota, H₂CrO₄ – Xromat kislota, H₂Cr₂O₇ – Dixromat kislota, HClO₃ – Xlorat kislota, HBrO₃ – Bromat kislota, HIO₃ – Yodat kislota, H₂MnO₄ – Manganat kislota va h.k. v) kuchli asoslar: LiOH –litiy gidroksid, NaOH, KOH, RbOH, CsOH, FrOH, Ca(OH)₂, Sr(OH)₂, Ba(OH)₂, Ra(OH)₂ va h.k.

Ionlarga qisman ajraladigan (dissotsilanadigan) moddalar kuchsiz elektrolitlar deyiladi. Masalan: a) kuchsiz kislotalar: qolgan barcha kislotalar, b) kuchsiz asoslar: qolgan barcha asoslar, v) ammoniy gidroksid, g) suv ham kuchsiz elektrolit va h.k. Kuchsiz elektrolitlar eritmalarda ionlarning katta konsentratsiyasini hosil qilmaydi.