ҚАдр-қимматим, таянчим ва ифтихоримсан, мустақил ўзбекистон!

МУСТАҚИЛЛИК ДАРСИ ИШЛАНМАСИ

Мавзу

Қадр-қимматим, таянчим ва ифтихоримсан, мустақил Ўзбекистон!

1.1. Ўқув машғулотининг таълим технологияси модели

Ўқув соати: 2 соат	Ўқувчилар сони: 30 та
Ўқув машғулоти шакли ва тури	Назарий –тўлиқ ўқув машғулот
Ўқув машғулот режаси	Ўзбекистоннинг мустақиллик томон йўл тутиши. “Ўзбек модели” – Ўзбекистоннинг ўзига хос тараққиёт йўли. Мустақиллик даврида маънавий қадриятларнинг тикланиши. Миллатлараро тотувликнинг таъминланиши. Тинчлик ва осуда ҳаётимизни ҳимоя қилиш – муқаддас бурч.
Ўқув машғулотининг мақсади: Таълимий: Ватан озодлиги учун кураш тарихи, мустақилликнинг инсон ҳаётидаги ўрни ва аҳамияти тўғрисида билимларни шакллантириш. Тарбиявий: Ватан мустақиллигини англаш, тарихий меросни асраш ва қадрлаш ҳамда аждодларга муносиб бўлишга ўргатиш. Ривожлантирувчи: Ватан мустақиллигини асрамоқ, уни мустаҳкамламоқ ҳар бир фуқаронинг муқаддас бурчи эканлиги тўғрисидаги тушунчаларни ривожлантириш.
Педагогик вазифалар: Тарихий хотира ва унинг бугунни англашдаги аҳамияти ҳақида маълумот бериш; “Ўзбек модели”да ислоҳотлар ва уларнинг инсон омилига қаратилганлиги тўғрисида маълумот бериш; Маънавий қадриятларнинг тикланиши борасида амалга оширилган ишлар тўғрисида маълумот бериш; Миллатлараро ҳамжиҳатликнинг мамлакат тараққиётидаги ўрни тўғрисида маълумот бериш; Ватан ва унинг олдида масъулият, бурч тушунчаларининг тинчлик ҳамда тараққиёт, фаровонлик билан уйғунлиги ҳақида билим бериш.			Ўқув фаолиятининг натижалари: Тарихий хотира ва унинг бугунни англашдаги аҳамияти ҳақида гапириб беради; Ислоҳот ислоҳот учун эмас, балки инсон учун эканлигини билиб олади; Маънавий қадриятлар тикланишининг миллий ўзшликни англашдаги аҳамиятини билиб олади; Ўзбекистонда 136 дан ортиқ миллат ва элатлар истиқомат қилишини, улар ўртасидаги тотувлик ва ҳамжиҳатликнинг мамлакат тараққиётидаги ўрни ҳақида айтиб беради; - Ватанни асраш ҳар бир фуқаронинг бурчи эканлигини ва унинг мамлакат тараққиёти ҳамда халқ фаровонлигидаги аҳамиятига мисоллар келтириб тушунтиради.
Ўқитиш методлари		Ахборотли-маъруза, намойиш, суҳбат, кластер, ФСМУ