Adabiyot 10 oxirgi 2-qism indd

Child Harold 
–
ingliz shoiri 
Bayron asari 
qahramoni
Beef-steaks 
(ingl.) – 
bifshteks
?

---

67
LII
Chindan ham ish boshqaruvchidan
Daf’atanda oldi u bir xat: 
Chol to‘shakda betobmish juda,
Rizolashuv istarmish behad.
O‘qiboq bu mungli xabarni 
Darhol lozim topdi safarni. 
“Pochtovoy”da yeldi u birdan, 
Uni esnoq tutdi hozirdan.
Meros haqqi, shaylaydi shu chog‘ 
Oh-u zorni, nayrang, yolg‘onni 
(Shundan boshlab edim dostonni); 
Ko‘rdi, yetgach qishloqqa biroq – 
Amakisi taxta uzra tek 
Yotar tuproq kutgan sovg‘adek.
LIII
Qo‘ra gavjum – barcha parvona; 
Har tomondan, soʻnib yuzlari, 
Kelishardi do‘st-u begona 
Hamda dafn ishqibozlari.
Marhumni ham qo‘yishdi yerga.
Pop, mehmonlar yeb-ichdi birga.
Soʻng gerdayib tarqaldi maj’ul, 
Go‘yo ishga bo‘ldilar mashg‘ul.
Qishloqidir Onegin endi, 
Yer-suvga-yu o‘rmonga xo‘ja.
Aslida-chi, shu fursatgacha 
Betartib-u isrofgar edi.
Endi mamnun – u yo‘lni tashlab,
Nelargadir oldi almashlab. 
LIV
Ikki kuncha sokin dalalar, 
Jilg‘alarning jildirashlari, 
Quyuq, salqin emanzor – bular
Yangichadek tuyuldi bari.
Tepa, dasht-u daraxtzor lekin 
Uchinchi kun bermadi taskin.
Soʻng uyqusin keltirdi chunon, 
Keyin esa ko‘rdi u ayon – 
Qishloqda ham o‘sha dilgirlik.
Garchi bunda na bir ko‘cha bor, 
Na saroy-u na bal, na ash’or, 
Xafaqonlik aylab tixirlik, 
Soya va yo vafodor xotin 
Kabi unga ergashar betin.
MUHOKAMA QILAMIZ
1. Pushkin o‘z davri Sankt-Peterburg zodagonlari hayotini qanday 
tasvir laydi? Bunday turmush tarzining eng asosiy xususiyati nimada deb 
o‘ylaysiz? 
2. Sizningcha, muallif nima maqsadda Oneginning bir kunini bun-
chalik batafsil tasvirlagan? 
3. Birinchi fasl epigrafi ga e’tibor bering. Muallif nima uchun aynan 
shu epigrafni tanlagan deb o‘ylaysiz? Epigraf bosh qahramon xarakterini 
tushunishga qay darajada yordam beradi?
4. “Baxtlimidi erkin Onegin? Sog‘lommidi, beg‘ammidi ul?” Muallif-
ning bu savolga javobi qanday? Sizning-chi? Nima uchun? 
5. Nega qishloq ham ikki kunda Oneginning joniga tegdi, “xafaqon-
lik” uni bu yerda ham ta’qib qila boshladi? 
“Meros haqqi, 
shaylaydi shu 
chog‘ 
Oh-u zorni,
nayrang, 
yolg‘onni”. 
Oneginni ka-
sal amakisi 
oldida o‘zini 
bunday tutishga 
nima majbur 
qilmoqda?