Adabiyot 10 oxirgi 2-qism indd

MUHOKAMA QILAMIZ
1. Sizningcha, muallif nega urush haqidagi quruq rasmiy xabarlarda 
ishlatiladigan “G‘arbiy frontda o‘zgarish yo‘q” jumlasini romanga sar-
lavha qilib olgan? Romanning o‘zbek tilidagi ilk nashri uchun tanlangan 
“Esiz gina yoshligim” sarlavhasi asar mohiyatini qay darajada aks ettiradi?
2. O‘qigan boblaringiz asosida urushdan oldingi va urush ko‘rgan 
Paulni solishtiring. U halok bo‘lmaganida urushdan keyingi hayoti qan-
day kechishi mumkin edi?
3. Roman muqaddimasidagi “Bu ... garchi zambarak o‘qidan omon 
qolsa-da, shu urushning qurboniga aylanganlar to‘g‘risidagi koʻngil iz-
horidir” jumlasini izohlang. Asar matniga tayangan holda “boy berilgan 
avlod”ga xos xususiyatlarni aniqlang. Sizningcha, “boy berilgan avlod” 
tushunchasi faqat Birinchi jahon urushiga xosmi? 
4. Adabiyotshunoslar asarda ikki muhim ramzni ajratib ko‘rsatadilar: 
– askar vafotidan keyin boshqasiga qoldiradigan oyoq kiyimi;
– Paul urushdan oldin yig‘gan kapalaklar. 
Sizningcha, bu ramzlar nimani anglatadi? Ularning asar g‘oyasini 
tushunishdagi ahamiyati nimada? 
5. Germaniyada Gitler boshchiligidagi natsistlar partiyasi hokimiyat 
tepasiga kelgach, roman va u asosida ishlangan fi lm taqiqlangan. Bu-
ning sabablari nimada bo‘lishi mumkin? 
6. Remarkning urushga munosabati qadimgi dunyo va o‘rta asrlar 
adabiyoti, xususan, eposlardagi urushga munosabatdan qaysi jihatlari 
bilan farq qiladi? Sizningcha, bu o‘zgarishlarning sabablari nimada? 
GURUHLARDA ISHLAYMIZ
Urushning ayanchli oqibatlari tasvirlangan qanday o‘zbek adabiyo-
ti namunalarini o‘qigansiz? Shunday asarlardan birini tanlab, “G‘arbiy 
frontda o‘zgarish yo‘q” romani bilan solishtiring. Muallifl arning mavzuga 
yondashuvida qanday farqlarni kuzatdingiz? Bu farqlarning sabablari ni-
mada bo‘lishi mumkin? 
LOYIHA
Kichik guruhlarda ishlang. Paul yoki uning onasi nomidan siyosatchi-
larga maktub yozing. Maktubingiz orqali ularni har qanday kelishmov-
chiliklarni urushsiz, diplomatiya va muzokaralar yordamida hal qilish lo-
zimligiga ishontiring.