Abu rayhon beruniy nomidagi toshkent davlat texnika universiteti geologiya, razvedka va gidrogeologiya

Abissal tog‘ jinslari.
Nefelinli sienit o„rta, yirik donali, yoki 
traxitoidsimon tog„ jinsi bo„lib, uning tarkibida ishqorli dala shpatlari (65-
70%), nefelin (20%) va rangli minerallar (10-15%) uchraydi. Nefelin 
miqdorining oshib borishi bilan nefelinli sienit asta-sekin dala shpatlarisiz 
feldshpatoidli tog„ jinslariga o„tib boradi. 
Dala shpatlari nefelinli sienitlarda mikroklin-pertit yoki ortoklaz -pertit, 
ayrim hollarda esa epimagmatik albitdan tashkil topgan. Nefelinning 
idiomorf yoki ksenomorf kristallari ko„pincha kankrinit yoki sodalit bilan 
o„rin almashinadi. Rangli minerallar egirin, kamroq egirin-avgit, 
arfvedsonit yoki lepidomelandan iborat. Nefelinli sienitlarda magmatik 
kalsit (4-5 %) va ba‟zan ko„p miqdorda evdialit, evkolit, astrofilitlarning 
uchrashi tabiiy. 
Nefelinli sienit strukturasi gipidiomorf donali bo„lib, u femik va salik 
minerallar idiomorfizmning o„zgarib turishi bilan ajralib turadi. Tog„ 
jinslarining ayrim turlari agpait strukturali bo„lib, unga nefelin va dala 
shpatlarining rangli minerallarga nisbatan keskin idiomorfligi xosdir. Tog„ 
jinsini tashkil qiluvchi minerallar miqdorining barqaror emasligi, struktura 
va teksturaning o„zgarib turishi nefelinli sienitning ko„p turlarga 
bo„linishiga olib keladi. Tog„ jinslari birinchi marta topilgan joyni hisobga 
olib ular xibinit, mariupolit va miaskit deb nomlangan. 
Gipabissal tog‘ jinslari.
Nefelinli sienit guruhi gipabissal turlariga 
nefelinli mikrosienit, nefelinli sienit-porfir (asxist) va nefelinli sienit-
pegmatit (diasxist) kiradi. 
Nefelinli mikrosienit abissal tog„ jinslaridan mayda donaligi bilan farq 
qiladi. Nefelinli sienit - porfirga esa porfir struktura xosdir. Porfirlar 
ortoklaz, nefelin, ayrim holda sanidindan tashkil topgan bo„lib, asosiy 

---

86 
massa mayda egirin-avgit, ishqorli amfibol va dala shpatidan tashkil 
topgan. 
Nefelinli sienit pegmatit yirik donali tog„ jinsi bo„lib ishqorli dala 
shpatlari (73%), nefelin (12%), lepidomelan (5%), egirin (5%) va 
sodalitdan (5%) tashkil topgan. Bu jinsda noyob minerallar (evdialit, 
piroxlor, astrofillit) ko„p uchraydi. Ularning granit pegmatitlarga nisbatan 
ko„p uchrashi nefelinli sienit magmasi uchuvchan komponentlarga boy 
ekanligi bilan tushuntiriladi.