Abu Muhammad Muslix ad-Din ibn Abd Alloh Saadi Sheroziy fors-tojik nasihatgo‘y shoiri, adib va mutafakkir g‘azal janrining kashshofi va ustodi hamdir

Ikki kishi o‘rtasiga o‘t tashlar kezi,

Bu o‘rtada aqlsizning kuyadi o‘zi.

* * *

Dono kishi vujudi misoli zaru tillo,

Har qaerga borsa ham qimmati tushmas aslo.

* * *

Chumoli yoz bo‘yi yig‘ar yemak-don,

Toki qishda uyi bo‘lsin farovon.

* * *

Harakat bo‘lmasa, bo‘shab kishani,

Orzuga yetolmas polvonlar tani.

* * *

Har ishdakim, inson ko‘rsatur himmat,

Tikan ham guldasta bo‘lur oqibat.

* * *

Chin azmu harakat qilmay muttasil,

Hech kimsa murodi bo‘lmadi hosil.

* * *

Erta kun arpaga zor bo‘lmay desang.

Bu kun ek, shoyadki, bug‘doy non esang.

Shoislom Shomuhamedov tarjimalari