Abituriyentler ushın Qaraqalpaq tili páninen qollanba quwat Jarekeev Tildiń jámiyetlik xızmeti

Metanomiya grek tilinen alınıp, atın ózgertiw, qaytadan ataw degen mánisti bildiredi.Qandayda bir predmettiń yáki qubılsıtıń ataması ekinshi predmet yáki qubılıs penen baylanısına qaray sol atama menen qayta atalıwına metonimiya deymiz.(Sóz mánisiniń awısıwı predmet hám qubılıslar arasındaǵı ishki hám sırtqı jaqınlıqqa tiykarlansa metonimiya delinedi. Licey sabaqlıǵınan)Metanomiya tómendegi jollar arqalı jasaladı:

1. 
   Predmetti óziniń ıdısı arqalı ataw: Eki keseni ishti. Bir tabaqtı kórdim degen joq. Qazan azsın, qonaq keldi. Tabaqtaǵı suwıǵan bolsa, ıssısınan ákeleyin. Biydiń aldına dásturxan, shay qoyıń. Tandırdı jaǵıpjiberiń.
   
2. 
   Shıǵarma avtorı arqalı qayta ataladı: Kóz áynegin qıysayta kiyip, Múysherindi oqıydı geyde. Shar
   

kitapqa qushaq ashtım, Nawayıdan sawat ashtım.

3. 
   Predmetlerdi turǵan, jaylasqan ornı menen qayta ataw: Pútkil auditoriya shawqım kóterdi. Qala uyqılap qalıptı. Bul máháli bir qansha úyler jatsa da, ele, Ulman menen Názi kempir jatpaǵan.
   
4. 
   Háreketti onıń onıń iyesin bildiriw ushın qollanıw: Bul gáplerdi ana shot qaǵatınıńa jetker.
   
5. 
   Predmettiń kólemi, reńi, hártúrli belgileri, tempuraturası arqalı sol predmetti qayta ataw: Aqmaqtıń
   

aǵası bolǵansha, aqıllınıń inisi bol. Uzaqtan bir qara kórindi. Jaqsınıń jamannan sorasań parqın, Aspan jer arası onnan kóp jaqın. Tońıp kelip ıssıǵa tıǵıldım. Tabaqtaǵı suwıǵan bolsa, ıssısınan ákeleyin.

6. 
   Predmettiń hárqıylı kemis-qutıǵı arqalı sol predmetti qayta ataw: Sasıqtıń kóbinen, hasıldıń azı jaqsı.
   

Awıldaǵı aqsaqtı alıp kel maǵan.Soqırdı kórdi, gereńdi esitti degeniń ne?Gáripke bergeyler uzaq jıl ómir. Soqırdıń sońına, aqsaqtıń aqırına baq.

7. 
   Aytıwshı hám tıńlawshıǵa túsinikli bolǵan zat hám qubılıslardıń atın atamay, olarǵa tán bolǵan belgiler arqalı zat hám qubılıslardı qayta ataw: Qasımnan ótken biyik óksheden, júregim mıyıq qaǵıldı. Kóz ushında oramal kórindi. Bir waqıtları esikten bir postın kirdi. Qaraqalpaq tilinde metanomiya xızmetin kóbinese kelbetlikler atqaradı. Mısalı: Durıs ayırıw ushın qaranı, aqtı, ilgir zeyin kerek, sınshı kerek.
   

Metanomiyaǵa qosımsha mısal: Soqır tawıqqa bári tarı.Aq saqal, Qara saqal, aq jawlıq, qızıl jawlıq hámmesi dárya boyında sap tarttı. Hámme soldatta solay isledi, Kók emen tur saldattay qatıp, Geyde komanda berip ózi de, Kórinedi turǵanday atıp.(B.Qayıpnazarov) Yoshıp orkestrdi gózlep, Gúńirenter Betxovendi.