Abituriyentler ushın Qaraqalpaq tili páninen qollanba quwat Jarekeev Tildiń jámiyetlik xızmeti

Sheklengen leksikaǵa aymaqqa (territoryaǵa), yá kásipke, ya sociyallıq ortalıqqa baylanıslı qollanılıw órisi jaǵınan sheklengen sózler kiredi. Bunday sózler dál belgilerine, ózgesheliklerine baylanıslıdialektlik sózler, kásiplik sózler, terminler bolıp bólinedi.

Dialekt sózler
Belgili bir jergilikli orınlarda (territoryada) qollanılatuǵın sózler dialekt sózler dep ataladı. Qaraqalpaq tiliniń awızeki sóylew ózgesheligi aymaqlıq jaqtan arqa hám qubla dialekt bolıp ekige bólinedi. Arqa dialekt respublikamızdıń arqa rayonların, al qubla dialekt Tórtkúl, Beruniy, Ámiwdárya hám Ellikqala rayonlarınıń aymaqların qamtıydı. Ádebiy til kóbirek arqa dialekt tiykarında qáliplesken. Usı aymaqta jasawshı adamlardıń tilinde dialektlik sózler ushırasadı. Máselen:

Arqa dialekt shırpı gúze qulaqshın buzaw diywal kelsap silos sezim

Qubla dialekt kúkirt ıbırıq toppı ójek soqpa soqqı dúrishte ań

Arqa dialekt bozań sazaq shal súylin ádeyi ádemi

Qubla dialekt aq sora, sora seksewil alasha qırǵawıl arnap, arnawlı sulıw

Kásiplik sózler
Belgili bir kásipke yáki mamanlıqqa baylanıslı qollanılatuǵın sózler kásiplik sózler (professinalizm) dep ataladı. Kásiplik sózler turmısta adamlardıń hár túrli kásibine baylanıslı bir neshe túrlerge bólinedi. (Máselen, bóz toqıwshılıq kásibinde máki dep aǵashtan islengen úsh tilli shanıshqıǵa uqsaǵan toqıw quralın aytadı, al al balıqshılar onı iynelik dep aytadı.)