Abituriyent 25 ball maksimum (biologiya)

DNK va OQSIL biosintezi masalalari yechilishiga doir ma’lumotlar (7,8-son)

Qadrli abituriyentlar, DNK va oqsil biosinteziga doir masalalarni yecha olishingiz uchun quyidagilarni bilib olishingiz shart!

I. DNK molekulasining tuzilishi.

1) DNK hujayra yadrosida joylashgan, qo’sh zanjirli ko'rinishda bo‘lib, zanjirlar o‘zaro bir-biriga to’la mos keladi va komplementardir. Bir zanjirdagi purin asosi qarshisida 2-zanjirda pirimidin asosi bo'lishi talab qilinadi;

2) DNK ning monomerlari nukleotidlar bo'lib, ular o'zaro fosfodiefir bog’lari orqali bog'lanadi;

3) Nukleotidlarning tarkibida fosfor kislotasi, monosaxaridlardan dezoksriboza va azot asoslari (adenin, guanin, sitozin, timin) bo'ladi;

d) Purin asoslari A va G pirimidin asoslari S va T hisoblanadi. Adeninga doim Timin, Guaninga esa Sitozin komplementardir;

4) A-T o'rtasida ikkita vodorod bog‘, G-S o'rtasida uchta vodorod bog'lar bo'ladi;

5) har bir nuklein kislotadagi Adenin nukleotidlar soni har doim Timin nukleotidlari soniga, Guanin nukleotidlar soni har doim Sitozin nukleotidlar soniga teng bo'ladi;

6) DNK tarkibida nukleotidlar soni RNK tarkibidagi nukleotidlar sonidan ikki baravar ortiq bo‘ladi;

7) DNK molekulasida qo‘sh zanjirlar orasidagi masofa 0,34 nm ga teng bo‘ladi. 1 nm = 10 A⁰ (angstrem), ya’ni 0,34 nm 3,4A teng deyiladi.