Abdulla qodiriy nomli jizzax davlat pedagogika instituti

4. «Aks-sado» o’yini.

Mushaklar tonusini faollashtirish umumiy va nutqiy motorikani rivojlantirish.

Logoped bolalarni ikki guruhga bo’ladi. Birinchi guruh quyidagi she’rni aytadi:

Biz o’rmonga boramiz

Qo’ziqorin teramiz

Baqirib chaqiramiz AU! AU! AU!

Hech javob kelmas bizga

Aks-sado kelar bizga.

Ikkinchi guruh esa past ovozda AU! AU! AU! Deb javob beradi. Keyin bolalar joylarini almashtirishadi.

5. «Arra» o’yini.

Nutqiy nafasni me’yorlashtirish, umumiy, mayda qo’l motorikasini rivojlantirish.

Bolalar ikkitadan bo’lib, o’ng qo’llarini ushlashadi va o’tin arralashga taqlid qilishadi.

Arra, arra, arrala,

Ari kabi guvulla.

Arra, arra, arrala,

Tezroq arrala yana.

O’yin davomida bolalar o’rin almashadilar.

6. «Jimjitlik» o’yini.

Erkin harakatlarni ta’minlash, umumiy motorikani rivojlantirish, o’z-o’zini boshqarishni shakllantirish.

Boshlovchi devor oldida turadi, bolalar esa ro’paradagi devor oldida turishadi. Bolalar ehtiyotkorlik bilan boshlovchining oldiga yetib kelishlari kerak. Bolalar ehtiyotsizlik bilan harakat qilsalar, boshlovchi ogohlantirish beradi va bola to’xtaydi. Boshlovchining oldiga qaysi bola birinchi bo’lib yetib kelsa o’sha bola g’olib sanaladi va o’sha bola boshlovchi bo’ladi.