Abdulla qodiriy nomli jizzax davlat pedagogika instituti

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

ABDULLA QODIRIY NOMLI JIZZAX DAVLAT PEDAGOGIKA INSTITUTI

O’ZBEK TILI VA ADABIYOTI FAKULTETI

III BOSQICH TALABASI

ORIPOVA NILUFARNING

O’zbek adabiyoti tarixi fanidan

SHUKUR XOLMIRZAYEV HIKOYALARIDA INSON RUHIYATI VA TAQDIRI MASALASI

mavzusida tayyorlagan

KURS ISHI

Ilmiy rahbar: p.h.d T.Qo’chqorov

Reja:

1. 
   KIRISH
   
2. 
   ASOSIY QISM
   

1. 
   SHUKUR XOLMIRZAYEV - MOHIR HIKOYANAVIS
   
2. 
   ADIB HIKOYALARIDA DAVR VA QAHRAMON MASALASI
   
3. 
   YOZUVCHI HIKOYALARIDA MILLIY RUHIYATNING AKS ETISHI
   
4. 
   SHUKUR XOLMIRZAYEV HIKOYALARIDA INSON RUHIYATI MASALALARI
   

3. 
   XULOSA
   

KIRISH

“ Adabiyotni ehtiyoj amri, qismatim deb bilaman. Men shunday hayotning xumori bo’lib qolganman”

Shukur Xolmirzayev

Respublikamizning mustaqilikni qo’lga kiritishi boshqa ko’plab sohalar singari ijtimoiy sohada ham tub burilish yasadi. Ijod va so’z erkinligi ta’minlandi. Bu esa ijodkorlarga ulkan imkoniyatlar eshigini ochdi. Bu borada birinchi Prezidentimiz Islom Karimov o’zining “Yuksak ma’naviyat - yengilmas kuch” asarida jumladan shunday deydi: “ Mustaqillikning dastlabki kunlaridan boshlab yurtimizda amalga oshirilayotgan keng ko’lamli ishlarning amaliy natijasi o’laroq, adabiyot va san’at, madaniyat, matbuot sohasi mafkuraviy tazyiqdan butunlay xalos bo’lganini qayd etish lozim”

Shu davrdan boshlab har qanday ijod namunasi , badiiy asar sinfiy bo’lishi va qandaydir g’oyaga , kommunistik mafkura manfaatlariga xizmat qilishi kerak, degan qarashlar o’tmishga aylandi. Erkin ijod uchun, milliy qadriyatlarimiz va boy ma’naviyatimizni , xalqimiz tarixini uning bugungi sermazmun hayotini to’laqonli va haqqoniy aks ettirish uchun zarur sharoitlar yaratildi. Mazkur yaratilgan ijtimoiy- adabiy muhitning natijalari sifatida birinchidan , adabiyotshunoslikda badiiy asarlarni g’oyaviy tahlil qilishga butkul chek qo’yildi. Asar mazmunini qadriyatlarimiz, ijodkor izlanishlari, ma’naviy - intellektual qadriyatlar nuqtai nazaridan o’rganish tamoyili shakllandi. Bu davrda ijod olamiga kirib kelganiga ancha bo’lganiga qaramasdan, shunday ijodkorlar guruhi shakllandiki, endi ular mafkura tazyiqi ostida ayta olmagan so’zlarini, yuragidagi dardlarini qalamga oldilar va keng kitobxonlar ommasi olqishiga sazovor bo’ldilar. Shunday ijodkorlardan biri Shukur Xolmirzayev edi. U adabiyotga o’tgan asrning 60- yillari oxirida kirib kelgan edi, unga istiqlol davrida erkin ijod qilish baxti ham nasib etdi. Ijodkor zamona haqida shunday degan edi : “ … zamon aylanib, rost gapni - borini aytish imkoniyati ochildi. Bu - yozuvchi uchun baxt! Axir , yozuvchi uchun nima kerak? Ana shu erkinlik-da! Yozuvchining vazifasi nima? Haqiqatni aytish-da! “