Abdulla qodiriy nomidagi jizzax davlat pedagogika instituti tabiiy fanlar fakulteti

Asosiy adabiyotlar

1. 
   Александров А.Ю. “Международний туризм” Учебник. М. Аспект пресс 2002.
   
2. 
   O.Sh. Ismailov Turizm biznesi va menejmenti O’quv qo’llanma Toshkent, 2011.
   
3. 
   Aliyeva M. va boshqalar. “Xalqaro turizm” Toshkent”. 2011.
   
4. 
   М.Р.Усмонов “Туризм географияси” Ўқув қўлланма. Самарқанд - СамДУ - 2019 йил.
   
5. 
   Yakubov O’, Vahobov X, Rekreatsion geografiya asoslari. O’quv qo’llanma. T., 2012 yil.
   

2-MAVZU: (2 soat) REKREATSION FAOLIYATNING KLASSIFIKATSIYASI
REJA:

1. 
   Rekreatsion faoliyat tushunchasi
   
2. 
   Rekreatsion faoliyat tarkibi va tasnifi
   
3. 
   Rekreatsion hududlarning asosiy tiplari
   
4. 
   Rekreatsion hududlarning asosiy turlari
   

Tayanch tushuncha va iboralar: Rekreatsion faoliyat, tasnifi, rekreatsion mashg’ulot, bo’sh vaqt.


Rekreatsion faoliyatning tarkibiy xususiyatlari tasnifi
Biz rekreatsion geografiyani insonning bo’sh vaqtini ko’ngilli, mazmunli o’tkazishi va dam olishi haqidagi fan sifatida tasavvur qilamiz. Odatda, insonning bo’sh vaqtini tashkil qilish ish vaqti yoki kundalik belgilangan mashg’ulotini tashkil etishdan ham murakkab jarayon. Chunki, inson ishlashi yoki mehnat qilishi davomida o’ziga tegishli vazifani bajaradi, ya’ni biror lavozim yoki vazifani u aniq tasavvur qiladi. Nimagaki, u yoki bu kasbda mehnat qilish uchun inson uzoq vaqt nimanidir o’rganadi, malaka yoki ko’nikma orttiradi. Bir so’z bilan aytganda, biror kasbga ixtisoslashadi.
Aholining rekreatsion faoliyatini boshqarish yoki tartibga solish uchun soha mutaxassislari xuddi shu ixtisoslashishni ta’minlashlari zarur. Yuqorida ta’kidlaganimizdek, bu jarayon iqtisodiy, tabiiy, madaniy, tibbiy, psixologik omillar bilan bog’liqligicha qolaveradi. Ayniqsa, asrlar davomida orzuga aylangan va nihoyat endigina o’z mustaqilligiga erishgan davlatlarda milliylik (mentalitet) muhim tamoyil sifatida qadrlanadi. Shu bois, chetdan kirib keladigan har qanday uqtiruvlarni to’g’ridan to’g’ri qabul qilib bo’lmaydi.
Shunday ekan, rekreatsion faoliyat ham o’z xususiyatlariga ko’ra, turli mamlakatlarda turlicha bo’lishi mumkin. Chunki, bo’sh vaqtni qanday tashkil qilishi turli mamlakatlarda turlicha kechadi.
Bo’sh vaqtni ikkita asosiy vazifani bajaradi: 1) ishdan ajralmagan holda insonning o’z jismoniy quvvatini tiklashi; 2) insonning ruhiy quvvatining tiklanishi. Insonning ruhiy va jismoniy quvvatining tiklanishi esa, yaxshi ovqatlanish, uyqu, harakat orqali qanoatlantiriladi.
Rekreatsion faoliyatning turli shakllari mavjud. Ular cho’milish, piyoda yurish, meva terish, yodgorlik yoki ziyoratgohlarga borish, muzey yoki yarmarkalarni tomosha qilish va boshqalar. Bu kabi rekreatsion faoliyat dam oluvchining ixtiyoriga ko’ra amalga oshadi.