Abdulla qodiriy nomidagi jizzax davlat pedagogika instituti maktabgacha ta

Katta guruxlar uchun
Mavzu : Suv bayrami
Maqsad: Bolalarni suv haqidagi bilimlarini oshirish. Suvning xususiyatlarini, suvdan qanday foydalanish kerakligini, suv bu hayot ekanligini o‘rgatish, bolalarni madaniy chiniqtirish ko‘nikmalarini oshirish. O‘ynab turib o‘ylashga, o‘ylab turib javob berishga o‘rgatish.
Mashg‘ulotning borishi:
Hovuzchada suvlar mo‘l,
Suvda suzar o‘rdak sho‘x.
Qurbaqalar vaqillar,
O‘rdaklarga cho‘zar qo‘l.
Tarbiyachi : Qurbaqa-yu o‘rdakchalar qani kelinglar, bu erda suv bayramininishonlaymiz.
Musiqa sadolari ostida qurbaqa va o‘rdakchalar kirib keladi.
Tarbiyachi : Qurbaqa-yu o‘rdakchalar, hovuzchamizda suvlar to‘libdi, suvda mazza qilib o‘ynab, har-xil o‘yinlar o‘ynaymiz. Sehrli musiqa sadolari ostida suv malikasi paydo bo‘ladi.
Suv malikasi: Meni bilsangiz, suv malikasidurman, suvda o‘ynaydiganlarga mening shartim bor. Shu shartni kim bajara olsa, shu hovuzda o‘ynab kuladilar. Men sizlarga topishmoq aytaman. Agar topishmoqning javobini topsangiz, hovuzda o‘ynab kulishlaringga ruxsat beraman.
Men aytaman topishmoq,
SHovqin solmangiz biroq.
Qani do‘stlar bo‘ling jim,
Darrov topar ekan kim.

1. 
   Usiz yashab bo‘lmaydi,
   

Qo‘l yuz toza bo‘lmaydi.
(suv)

2. 
   Boshi boru sochi yo‘q,
   

YOg‘dan boshqa hushi yo‘q.
(Baliq)

3. 
   Vaq-vaq etadi,
   

Ko‘lmak suvda turadi.
Suv malikasi : Qurbaqa-yu o‘rdakchalar, sizlar juda bilag‘on bola ekansizlar. Suvdan yana qandy foydalaniladi ?

1. 
   Hamma yoqni toza va ozoda qilish uchun.
   
2. 
   Suv bu-hayotdir.
   
3. 
   Suvda gullar ham o‘sadi.
   

Suv malikasi : Suvda qanday gullar o‘sadi ?

1. 
   Suvda Nilufar gullar o‘sadi. Bizning maktabgacha ta’lim tashkilotimizning nomi ham “Nilufar”.
   
2. 
   Suvdan butun borliq yashnaydi.
   
3. 
   Suvni isrof qilmasdan tejab ishlatish kerak.
   
4. 
   Suv- bu yorug‘lik.
   
5. 
   Suvsiz hayot bo‘lmas, mehnatsiz rohat.
   

Suv malikasi : Sizlar suvning xususiyatlarini bilasizmi?

• 
  YOz faslida suv qanday bo‘ladi ?
  
• 
  Issiq bo‘ladi.
  
• 
  Kuz faslida suv qanday bo‘ladi ?
  
• 
  Sovuq bo‘ladi.
  
• 
  Qish faslida-chi ?
  
• 
  Suvlar muzlaydi.
  
• 
  Bahor faslida-chi ?
  
• 
  Muzlagan suvlar erib, suv holiga qaytadi.
  

Suv malikasi: Qurbaqa-yu o‘rdakchalar, sizlarni topqirlaringiz, hozirjavobligingiz meni qoyil qoldirdi. Rahmat sizlarga.
Tarbiyachi : Suv malikasi, hozir biz bolalar bilan, suvda kim ko‘p gul terish musobaqasini o‘tkazamiz. Siz ham ko‘rib tomosha qiling. Hovuzdagi suvga gullar uzilib tashlanadi. Qurbaqa va o‘rdakchalar guruhiga bo‘linib, suvdagi gullarni kim ko‘p terishga ruxsat beriladi. Gulni ko‘p tergan guruh rag‘batlantirib, ularga sovg‘a beriladi.
SHu bilan mashg‘ulot yakunlandi.