Abdulla qodiriy nomidagi jizzax davlat pedagogika instituti maktabgacha ta

Tarbiyachi: Bolalar qaranglar ayiqpolvon yotibdi. Yuringlar u bilan suhbatlashamiz.
-Hoy ayiqpolvon, senga nima bo‘ldi? Nima uchun yotibsan?
Ayiqpolvon: Negadir tobim yo‘q, oyoq-qo‘llarim og‘rib ketyapti. O‘rnimdan turishga xolim yo‘q. Bolalar qani aytinglarchi nima uchun ayiqpolvon bu xolatga tushib qoldi?
Bolalar: U sport bilan shug‘ullanmagan, badantarbiya qilmagan, to‘g‘ri ovqatlanmagan, shuning uchun kasal bo‘lib qolgan.
-Qani tur o‘rningdan, bolalar ayiqpolvonni turg‘izadilar. Ayiq amallab o‘rnidan turadi.
Tarbiyachi: Bolalar kelinglar ayiqpolvonni yurg‘izishga harakat qilamiz. Qani ayiqpolvon biz bilan yur.
-Bolalar doira bo‘lib yuradilar. Endi ayiqpolvon oyoqlarimiz ichki tomonlaridan, keyin tashqi tomonida yuramiz. Barakalla, juda yaxshi yuryapsan, qaddingni ko‘taribroq, ana Mahmudjonga o‘xshab yurishga harakat qil.
Bolalar kelinglar ayiqpolvonga o‘xshab yuramiz, qaranglar ayiqpolvon yugurib ketdi, biz ham yuguramiz. Bolalar ayiqpolvon ketidan yuguradilar. Yana yurishga o‘tiladi. Ayiqpolvon bolalarni o‘zining o‘yinlarini o‘ynashga taklif etadi. Bolalar oldindan qo‘yib qo‘yilgan daraxtlar to‘grisiga saflanishlari so‘raladi. Ayiqpolvon bolalarga o‘z gantellarini sovg‘a qiladi va umumgavdani rivovjlantiruvchi mashqlar boshlanadi.

1. 
   D.H. Oyoqlar elga kengligida ochiq. Qo‘llar ganteller bilan oldinda. 1-2 deganda qo‘llar bukiladi. 3-4 deganda qo‘llar dastlabki xolatga qaytadi.
   
2. 
   D.H. Oyoqlar elka kengligida ochiq. Qo‘llar gantellar bilan oldinda bukilgan xolatda. 1-2 deganda qo‘llar ko‘tariladi, 3-4 deganda dastlabki xolatga qaytiladi.
   
3. 
   D.H. Oyoqlar elka kengligida ochiq. Qo‘llar gantellar bilan belda. 1-2 deganda o‘ng qo‘l yuqorida, chap qo‘l pastda. 3-4 deganda almashtiriladi.
   
4. 
   D.H. Oyoqlarning tovonlari juft, uchlari ochiq, qo‘llar gantellar bilan pastda. 1-2 deganda o‘tiriladi, qo‘llar oldinga uzatiladi. 3-4 deganda o‘rindan turiladi va qo‘llar pastga tushiriladi.
   
5. 
   D.H. Oyoqlar juft, qo‘llar gantellar bilan pastda. 1 deganda o‘ng oyoq va chap qo‘l ko‘tariladi, 2 deganda dastlabki xolatga qaytiladi. 3 deganda chap oyoq va o‘ng qo‘l ko‘tariladi.
   
6. 
   D.H. Oyoqlar juft. Gantellar erda, qo‘llar pastda 1-2 deganda oyoqlar ochiladi. 3-4 deganda dastlabki xolatga qaytiladi.
   

Ayiqpolvon bolalarga o‘z minnatdorchiligini bildiradi. SHu payt daraxtlar tagidan quyon yugurib chiqadi va bolalardan bo‘ridan qutilish uchun yordam berishlarini iltimos qiladi. Kelinglar bo‘ridan qochish uchun tezlikda narvonchalarga chiqib olishadi.
Zalga g‘azablangan bo‘ri kirib keladi. Bolalar va quyonni tepalikda ko‘rib uvillaydi. Ularni tushishlarini poylaydi va ketib qoladi. Bolalar narvonchalardan tushib o‘rmon ichiga ketayotganlarida bo‘ri ularni quvlaydi. Bolalar quyonni ushlaganlaricha bo‘ridan qochadilar. (To‘siqlar orasidan yugurish harakati bajariladi. To‘siqlar, ya’ni daraxtlar, to‘nkalar bolalar yugirishiga qulay tarzda joylashtililgan). Bo‘ri ularga etolmay charchaydi va cho‘zilib yotib qoladi.
Tarbiyachi: Bolalar ko‘rdinglarmi bo‘ri sport bilan shug‘ullanmaganligi uchun yugura olmadi va bizga etolmadi.
Voy bolalar mana bu yerda kattagina ariq bor ekan, sakrab o‘ta olamizmi?
Bolalar: Ha sakray olamiz. (Bolalar kengligi 60 sm bo‘lgan ariqchadan sakrash mashqini bajaradilar).
Bo‘ri ham ularning orqasidan sakramoqchi bo‘ladi, lekin u ariqqa tushib ketadi. Bolalar bo‘rini qutqarib oladilar. Bo‘ri bolalarga va quyonga rahmat aytadi. Ular bilan “Meva teramiz” harakatli o‘yinini o‘ynaydi.
O‘yinning borishi: Gimnastika narvonchalarining tepa qatorlariga mevalar rasmlari ilingan bo‘lib, bolalar ularni bittadan olib tushadilar.
Tarbiyachi: Bolalar ko‘rdingizmi, sizlar bilan o‘rmonga sayohatga kelib shuncha sarguzashtlarni ko‘rdik. Endi bolalar bog‘chamizga qaytamiz.
Bolajonlar guruhimiz uchun o‘rmon gullaridan terib olamiz.
Bolalar gullar teradilar, xidlaydilar, guldasta tayyorlab yurib ketadilar.
SHu bilan mashg‘ulot o‘z nihoyasiga yetadi.