Abdulla qodiriy nomidagi jizzax davlat pedagogika instituti maktabgacha ta

Hozir sizlar bilan “CHip-chip” o‘yini o‘ynaymiz.
Doira holatida turgan bolalarga o‘yin sharti tushuntiriladi. O‘yin sharti: bolalar o‘zlarini ko‘zlari hali yumuq jo‘jalardek his etib, ko‘zlarini yumgan holatlarida (ular turgan malum bir joyda) xonada harakat qilishlari kerak. Harakatlanish vaqtida qo‘llari bilan paypaslab,onalarini qidirishlari lozim. Buning uchun qo‘llarini cho‘zib, atrofdagilarni ushlab, onasimi-yo‘qmi, izlab topishlari kerak. Faqat ular kimnidir ushlasalar, quyidagi savolni beradilar, yani: “CHip-chip”- ya’ni “Sen jo‘jamisan”?- degani bo‘ladi. O‘yin boshlanishidan oldin esa, tarbiyachi bolalardan birining oldiga kelib “Sen onasan”, deb tayinlab ketishi lozim.Buni boshqa bolalar bilmasligi kerak. Demak, bolalar “Ona” kim ekanligini bilmasdan turib, “Ona”ni qidirishlari kerak. Qidirish mobaynida bolalar “Ona” bo‘lmagan bolaning oldiga kelib “CHip-chip”deb so‘rasalar, u bola “CHip-chip”, deb javob berishi lozim. Bu esa “Men jo‘jaman”degani bo‘ladi. Agar onaning oldiga kelib so‘rasalar, u jim turadi. Demakki, u “Ona”. Endi ushbu jo‘ja ko‘zlarini ochib, onasining oldida qoladi. Shunday qilib, barcha jo‘jalar onasining atrofiga yig‘ilishlari kerak.