Abdulla Oripov she’riyatida ijodkor shaxs va davr ruhining aks etishi

Magistrlik dissertasiyasining tuzilishi va hajmi. Tadqiqot kirish, uch asosiy bob, xulosa hamda foydalanilgan adabiyotlar ro‘yxatidan iborat bo‘lib, umumiy hajmi ­­100 bet.

• Magistrlik dissertasiyasining tuzilishi va hajmi. Tadqiqot kirish, uch asosiy bob, xulosa hamda foydalanilgan adabiyotlar ro‘yxatidan iborat bo‘lib, umumiy hajmi ­­100 bet.

I BOB. ABDULLA ORIPOV SHE’RIYATIDA IJODKOR SHAXS VA DAVR MUAMMOLARI TALQINI

• I BOB. ABDULLA ORIPOV SHE’RIYATIDA IJODKOR SHAXS VA DAVR MUAMMOLARI TALQINI
• Abdulla Oripov she’riyati: yetakchi motivlari va o‘ziga xosligi
• Ijodkor shaxsi va badiiy mahoratini yoritish, shoir ijodi evolyusiyasini anglash dolzarb masala ekanligi shubhasizdir. Bunda ijod jarayoni va ijodkor shaxsi, badiiy-estetik tafakkur tarzi, dunyoqarashi, estetik ideali, ijtimoiy-ma’naviy, axloqiy-estetik pozitsiyasi va ijodiy konsepsiyasi, asarlari poetikasi va muayyan badiiy obrazlar, tasvir va ifodalarning yangicha talqini kabi muammolarni uzviy bog‘liqlikda o‘rganish alohida o‘rin tutadi. O‘zbek adabiyotshunosligida badiiy-estetik tamoyillar chuqurlashib, ijodkor shaxsini yaxlit ma’naviy-ruhiy va adabiy-estetik olam sifatida talqin etish va asarlari poetikasini tadqiq qilishni yanada dolzarb muammo qilib qo‘yadi. Bu jarayon adib badiiy tafakkuri mahsuli – yetuk asarlarining insoniyat ma’naviy olamidagi o‘rni va ahamiyati uning o‘ziga xos xususiyatlari bilan namoyon bo‘ladi.

O‘tgan asrning 60-yillarida Erkin Vohidov, O‘tkir Hoshimov, Shukur Xolmirzayev, Omon Matjon, Gulchehra Nurillayeva, Oydin Hojieva singari bir guruh talantli ijodkor yoshlar qatorida Abdulla Oripov ham adabiyot maydoniga kirib keldi. Yosh shoir ijodining ilk davridan boshlab o‘z uslubi, o‘zining yangroq ovozi bilan she’riyatimizga yangi bir ruh bag‘ishlab, ko‘pchilikning diqqatini o‘ziga jalb qiladi. Abdulla Oripovning 50-yillar oxiri va 60-yillar boshida yaratgan, ammo turli sabablarga ko‘ra haligacha e’lon qilinmay, nihoyat 2021-yili ilk marta nashr etilgan “Shoirning tug‘ilishi” deb nomlangan yangi to‘plamidagi she’rlarida shoir ijodining tematik boyligi va rang-barangligi yaqqol ko‘zga tashlanib turadi. Masalan, qo‘lyozma nusxasida “Iqror” deb nomi o‘zgartirilgan ilk she’rlaridan biri “Shoirning tug‘ilishi” she’rida o‘zi uchun asosiy mavzu va bosh qahramon ham inson va xalq hayoti ekanligini chuqur ishonch va qat’iyat bilan bayon etadi.