Abdulla avloniy pandlar, hikoyalar, kitobidan

BAXILLIK 

 

Bir baxil kishining uyiga bir necha yaqin do'stlari mehmon bo'lub keldi. Ul 

baxil mehmonlarni(ng) ziyofat qilmak o'rniga behuda so'zlarni(ng) so'zlab o'lturdi. 

Arodan ko'p vaqt o'tgandan so'ng xizmatchisini choqirub: 

—  Bor, taom pishgan bo'lsa, olib kel! — dedi. 

Shul  vaqt  xizmatchi  bir  taboq  ustida  pishgon  xurusni  olib  kelgan  zamon, 

baxil xizmatchiga boqub: 

—    Boshini  nima  qilding?  —  dedi.  Xizmatchi:  —  Afandim,  nima  qilur  edim, 

tashladim.  Baxil:  —  Nodon!  Kishi  xurusning  boshini  ham  tashlarmi?  Agar  bir 

kishi  tovuqning  ayog'ini  tashlasa,  man  borub  olur  erdim.  Bosh  degan  a'zolarning 

xo'jasidur. Ul boshi ila qanday yaxshi qichqirar edi. Marjon kabi toji ham boshinda 

edi. Eng shirin a'zolarindan sanalgon tili, eng ulug' a'zolarindan miyasi, iki shahlo 

ko'zlari  barchasi  boshinda  edi.  Bor,  topib  kel!  Biz  yemasak,  mehmonlarga 

yedururmiz! — dedi. 

Ko'rdingizmi, bu baxil kishi hech narsaga arzimaydurgon bir xurus boshidan 

bir necha xosiyatlar bayon qilub, o'zining qanday kishi ekanligini bildurdi. 

 

AXLOQIY HIKOYA 

 

Eshitdimki, mashhur Majnun zor  

Bo'lub mavti Laylosidan beqaror,  

Ketub hushidan bo'ldi holi xarob,  

Ravon bo'ldi Layloni qabrin so'rob.  

Yo'liqdi: bir o'g'lon edi hushyor,  

Zamondan xabardor edi, aqli bor. 

Dedi: «Ey o'g'ul! Qabri Laylo qayon?»  

O'g'ul kuldi, berdi javobin ravon.  

Dedi: «Sizmusiz ishq lofin uran?!  

Topar so'rmayin ishq kayfin suran.  

Mazora borub ista har go'rdan,  

Olib xokini iska mazkurdan.  

Na yerdan kelsa ishq-savdo isi,  

U tufrog' erur Layloning turbasi».