Abdulla avloniy pandlar, hikoyalar, kitobidan

NAFSI  BUZUQ  HAYITDA O'LAR 

 

Bir qishloqi tog'dan o'tun kesmak uchun bordi. Bir ko'zada olib borgan sutini 

daraxt  ostiga  qo'yub,  o'zi  o'tun  kesmak  uchun  ketdi.  Shul  vaqt  bir  tulki  kelub, 

ko'zaga boshini suqub, sutdan biroz ichgan zamonda aqli dediki, bas, bundan nari 

borsang, baloga  yo'liqursan. Nafsi  aytdiki, ichaber, kambag'alning  bir to'ygoni  — 

chala  boy  bo'lgoni,  dedi.  Tulki  aqlin  so'ziga  kirmasdan,  nafsin  yo'lig'a  yurdi.  Bir 

vaqt  sut  tamom  bo'lg'ondan  so'ng  tezgina  qochmoqchi  bo'lg'on  zamonda  ko'za 

boshini  mahkam  siqub  qoldi.  Bechora  tulki  qancha  harakat  qilsa,  ko'za  ham 

www.kitob.uz saytida elektron kitoblar, audio ertaklar, darsliklar mavjud

---

shuncha  siqa  boshladi.  Yugurdi,  yeldi,  yolbordi,  ko'za  aslo  yaqosini  bo'shatmadi. 

Oxirda  achchig'i  kelub,  -  sani  suv  ichinda  bo'g'ub  o'ldurmasam  bo'lmas  ekan,  — 

deb  ko'zani  olib  borub  bir  katta  suvga  suqg'on  zamonda,  ko'za  tulkini  to'g'ri  suv 

ostiga olib kirub ketdi. Tulki suv ostinda der ediki: 

 

Baloyi nafs uchun, oxir, surundim,  

Kelub sayyod domiga ilindim.  

Agar aqlim so'ziga kirsam erdi,  

Aziz jonim salomat bo'lgay erdi. 

 

AQLLI QARG'A 

 

Kunlar yoz fasli o'ldig'indan har yerda suvlar qurumish. Bechora Qarg'a suv 

yo'qlig'indan nihoyatda suvsamish edi. Tillari osilub, har tarafdan suv axtarmoqda 

ekan, birovning oldinda turgon ko'zaning ko'rub, yoniga kelub boqsa, ichinda suyi 

bor.  Lekin  bo'ynini  suqub  ichay  desa,  bo'yi  yetmaydi.  Biroz  o'yladi-da  tumshug'i 

ila  toshlarni  yig'ub,  ko'zaning  ichiga  tashlay  boshladi.  Oz  vaqt  ichinda  ko'zaning 

ostindagi  suv  ustiga  chiqub,  tosha  boshladi.  Aqlli  qarg'a  suvdan  ichub,  tashnalik 

balosidan qutulub, uchub ketdi.