Abbatisa – ayollar katolik monastirlarining boshqaruvchilari. Abbatlik

Langedoyl – Fransiyaning shimolini anglatuvchi atama sifatida qoʻllaniladi. X asrgacha “Garbiy Franklar” qirolligi zamonaviy Fransiyaning butun hududini qamrab olmagan va etnik jihatdan ham bir xillik yoʻq edi. Markazi Parij boʻlgan shimol janubdan farq qilar edi. Ikki qism oʻrtasidagi chegara boʻlib Luara daryosi xizmat qilgan. Janubda ok tili (Langedok – janub) va shimolda oyl tili (Langedoyl – shimol) jihatidan ham farq boʻlgan. Shuning natijasida mamlakatda ikki xil etnik guruh tarkib topa boshlagan, keyinchalik shulardan (shimoliy fransuzlar (fransuzlarning oʻzi) va provanslar) yagona fransuz xalqi shakllangan.
Langobardlar (nem.lot. longobarden – uzun soqollilar) – 568-yilda Shimoliy Italiyaga koʻchib borib, markazi Paviya boʻlgan davlat tashkil qilgan german qabilalari. Davlatning markazi Lombardiya yaqinida joylashgan. L. Rim papalari bilan Rim viloyatini egallash uchun kurash olib borganlar. VIII asr oʻrtalarida franklarning yordami bilan papalar L. ustidan gʻalaba qozonishdi. 774-yilda L. qirolligi Buyuk Karl tomonidan bosib olindi.
Lankasterlar – ingliz qirollari sulolasi. Aslida ular plantagenetlarning kichik tarmogʻi boʻlib, Eduard III ning oʻgʻli Lankaster gersogi Jon Gont dan boshlangan. 1362-1471 (erkak avlod boʻyicha)-yillarda hukmronlik qilishgan. Oxirgi vakili boʻlgan Genrix VI (1421-1471) oʻldirilishi bilan sulolada erkak avlod tugadi.
Lateran – IV asrdan XIV asr boshlariga qadar (papalarning Avinon qamaligacha) Rim papalarining rezidensiyasi sifatida xizmat qilgan, Rimda joylashgan saroy. Saroyda L. soborlari tashkil qilib turilgan. Ularning koʻp qismi butunjahon soborlari deb atalgan.
Lat – ritsarlarni sovuq qurollar jarohatlanishidan himoya qilish uchun ta’qib yuruvchi himoya vositasi. Dastlab teri yoki qalin matolardan, ayrim xollarda metall plastinkalardan tayyorlangan. XIV asrdan boshlab qalin metaldan yoki poʻlat plastinkalardan tayyorlana boshladi. L. ritsarlarning bosh, oyoq va tananing boshqa a’zolarini himoya qilish uchun xizmat qilgan.