Abbatisa – ayollar katolik monastirlarining boshqaruvchilari. Abbatlik

Kuriya (lot. yigʻilish joyi) – 1) yaqin maslahatchilar va oliy mansabdor shaxslardan tarkib topgan qirollar yoki papalar huzuridagi oliy maslahat organi; 2) Oʻrta asrlar Germaniyasida landtagning qismi boʻlib, u toifaviylik tamoyili asosida shakllangan.
Kurtenlar – Moldaviya va Valaxiyada mayda feodallar.
Kurtina – qasr yoki qal’alarda ikki minorani bir biri bilan tutashtiruvchi devor.
Kurtre – Gʻarbiy Flandriyadagi shahar boʻlib, uning yaqinida fransuz ritsarlari va flandriya piyodalari oʻrtasida “tepkilar jangi’ boʻlib, unda fransuz ritsarlari magʻlub boʻlishgan. Jang yakunida maydondan 700 ta oltinda yasalgan etikka qo’ndirilgan tepkilar topilganligi uchun jang shunday nomlangan. Bu oʻrta asrlar Yevropasida piyodalarning otliq ritsarlar ustidan erishgan birinchi gʻalabasi edi.
Kurtuaz (ritsar) muhabbat – erkaklar (asosan, yosh ritsarlar) va xonimlar oʻrtasidagi aloqalarning yangi koʻrinishi. Zamondoshlar, misol uchun fransuz tarixchisi Gaston Paris (1839-1903) uni “kurtuaz” (saroy) muhabbati yoki “na’zokatli muhabbat” deb nomlagan. Uning asosiy koʻrinishi yosh va boʻydoq ritsarning oilali xonimga nisbatan ramziy muhabbati sifatida koʻrsatilib, bunda xonim senor yoki oliy martabali oila vakili boʻlishi kerak boʻlgan. Uning eng muhim jihati ritsarning xonimga nisbatan jismoniy mayli koʻrsatilgan. Xonimga ehtirom (kult) XII asrda Fransiya janubidagi Akvitaniyada knyaz saroyida paydo boʻlgan. Bu yerda ritsarlar xonimlarga oʻz senoriga xizmat qilgandek sadoqat bilan xizmat qila boshlashgan. Ritsarlar muhabbati aslida oʻrta asr Yevropasida doimiy muammo boʻlgan meros masalasini birmuncha yengillashtirish uchun xizmat qilgan. Shu sabab asosan, ritsar oilasidagi toʻngʻich farzandgina uylangan va oila qurgan.
Kurtuazlik (frans. cour – saroy) – XII-XIII asrlarda ritsarlarning xulq-atvori va oʻzini tutish madaniyati sifatida tushunilgan. K. kodeksi nafaqat jasurlik va mardlikni, balki xushmuomilalik, nafislik, saxiylik va muhabbatni ham talab qilgan. K. haqida XII asrda Gugo Sen Viktorskiy va XIII asrda Vinsent Boveliklar oʻz asarlarida yozishgan. K. faqat ayollar bilan muomala qilish madaniyati boʻlib qolmasdan, jamiyatda ham munosabatlarni yaxshi yoʻlga qoʻyish uchun xizmat qilgan.