Abbatisa – ayollar katolik monastirlarining boshqaruvchilari. Abbatlik

Katalaun maydoni (dalasi) – hozirgi Shampan (Shimoli-Sharqiy Fransiya) hududidagi kelt qabilalariga mansub katalavnlar istiqomat qilgan hududdagi tekislik. 451-yil bu yerda tarixdagi eng qonli toʻqnashuvlardan biri boʻlgan “xalqlar jangi” sodir boʻlib, unda Rim qoʻmondoni Aetsiy rahbarligidagi vestgotlar, burgundlar, franklar, alanlar va boshqalar ittifoqchiligidagi qoʻshin Attila boshiligidagi xunnlar ittifoqi qoʻshini ustidan gʻalabaga erishgan. Ushbu jangdan keyin xunnlarning Gʻarbiy Yevropa ichkarisiga keyingi yurishlari amalda toʻxtatib qolindi.
Kataloniya – XII asr boshlarida paydo boʻlgan Barselona grafligining nomi. 1137-yilda K. Aragon bilan uniyaga birlashdi. 1164-yildan boshlab K. graflari “graf-qirol” tituli bilan Aragon hukmdorlariga aylandi.
Katarlar (yunon.katharos – toza, sof) – Fransiyaning janubida va Italiyada XI asrda vujudga kelgan daxriylik oqimi ishtirokchilari. Ta’limoti asosini dualizm tashkil etib, unga koʻra dunyoda ikki xil ibtido: Ezgulik (Xudo) va Yovuzlik (Iblis) boʻlgan. Moddiy dunyo Iblisning ijod mahsuli hisoblanadi. Shundan feodal munosabatlar Yovuzlikning tugʻilishiga tenglashtirilgan. Katolik cherkovini K. shaytoniy deb bilishgan. Shu boisdan katolik cherkovi ruhoniylarini ular daxriylar deb e’lon qilgan. Katolik cherkoviga qarama-qarshi turuvchi oʻz tashkilotini tuzgan. Barcha K. “e’tiqodli” va “barkamollar”ga boʻlingan. “Barkamollar”ning kam sonlilari qattiq tartibli tarki dunyochilikda hayot kechirgan va aynan shular sektaga rahbarlik qiluvchi toʻrt pagʻonali iyerarxik darajadagi rahbarlar shakllantirilgan. Bu ta’limotga hunarmandlar, savdogarlar va dehqonlar ergashgan. Shuningdek, qirollik hokimiyatga qarshi boʻlgan Fransiyaning janubidagi feodallar ham qoʻshilgan. Albigoychilar urushlari davrida K. harakatiga ham sezilarli zarba berildi. 1215-yilda boʻlib oʻtgan IV Lateran soborida K.ni ta’qib etish haqida qaror qabul qilindi. XIV-XV asrlarda ham maxfiy ravishda K. faoliyat olib borgan boʻlsada, lekin keyinchalik ularning barcha a’zolari toʻligʻicha yoʻq qilingan.