Abbatisa – ayollar katolik monastirlarining boshqaruvchilari. Abbatlik

Diosez – Rim imperiyasida ma’muriy okrug; katolik cherkovida yepiskop boshchiligidagi ma’muriy okrug (pravoslavda– yeparxiya).
Distretto – oʻrta asrlarda Italiyada shahar okruglari. Shaharlarga boʻysunuvchi yerlardan tashqari metropoliyalarni va boshqa shaharlarni birlashtirgan, shu jihatdan kantadolardan farqlangan. Ba’zan D.lardan shahar-davlatlar, keyin gersogliklar oʻsib chiqqan.
Dofin – XIV asrdan Fransiyada taxt valiahdi, odatda qirolning katta oʻgʻli. Qirolning bevosita avlodidan boʻlishi talab qilingan. Valiahd sifatida XIV asr oʻrtalaridan to 1830-yilgacha D. viloyati egasi titulini olib yurgan. Angliyada valiahdni belgilash tugʻilgandan majburiy boʻlmasdan, balki monarx tomonidan beriladigan “Uels shahzodasi” unvonidan farqli ravishda, D. tugʻilishi, ota-onaning taxtga oʻtirishi yoki D.ning oʻlimi bilan toʻgʻridan-toʻgʻri nasl boʻyicha merosxoʻrga oʻtgan.
Dofine – Fransiyaning Italiya bilan chegaradosh Rona daryosi havzasidagi hudud. Avval Burgund qirolligi tarkibiga kirgan, keyinroq “Muqaddas Rim imperiyasi” tarkibiga oʻtgan. 1343-yilda Filipp VI Valua tomonidan fransuz qirolligi domeni tarkibiga qoʻshib olingan.
Doj (lot.dux – sardor, yoʻlboshchi). 1) Venetsiyada VII-XVIII asrlarda umrbodlikka saylanuvchi respublika boshligʻi; 2) Genuyada XIV-XVIII asrlarda ma’lum muddatga saylanuvchi respublika boshligʻi.
Doktor (lat. doctor) – oʻrta asrlarda taniqli ilohiyotshunos va faylasuflarga berilgan faxriy unvon. M: doctor angelicus (angel–farishta doktori) – Foma Akvinskiyga; doctor invincibilis (yengilmas doktor) va doctor singularis (tanho doktor) – Uilyam Okkamka; doctor mirabilis (moʻjizakor doktor) – Rodjer Bekonga; doctor subtilis –Ioann Duns Skotga; doctor universalis – Albert Buyuk va Alan Lillskiyga; doctor fundatisimus – Egidiy Rimskiyga; doctor ecstaticus – Dionisiy Kartezianesga; doctor solemnis – Genrix Gentskiyga; doctor christianissimus – Ioann Jersonga; doctor seraphicus –onaventuraga berilgan faxriy unvonlardir.