10
воз кечиб, чет эл инвестицияларини узоқ муддатларга, имтиёзли фоиз ставкалари
бўйича жалб этилди. Натижада миллий иқтисодиётимизнинг ҳалқаро кредитлар
бозоридаги конъюнктурага кескин боғлиқлигини ва молиявий инқирознинг салбий
оқибатларининг олди олинди.
Мамлакат иқтисодиётини юксалтириш, замонавий техника ва технологиялар
билан жиҳозланган янги корхоналарни барпо этиш ва реконструкция қилиш учун
хорижий инвестицияларни жалб қилиш нечоғлик катта ҳал қилувчи аҳамиятга эга.
Бу авваламбор, аҳоли бандлиги, унинг иш ҳақи ва даромадларини ошириш каби
энг муҳим ижтимоий муаммоларни ечиш имкониятини беради. Шу боисдан ҳам
мамлакатимизга хорижий инвестициялар жалб этаётган корхоналарни иқтисодий
рағбатлантириш ва зарурий шароитларни яратиб бериш ўта муҳим масалалардан
бири ҳисобланади.
Хорижий инвестицияларни жалб этмай, айниқса, етакчи тармоқларда чет эл
инвестициялари иштирокини кенгайтирмай туриб, иқтисодиётда таркибий
ўзгаришларни амалга ошириш ва модернизациялаш, корхоналарни замонавий
техника билан қайта жиҳозлаш ҳамда рақобатбардош маҳсулот ишлаб чиқаришни
йўлга қўйиш мумкин эмас. Мамлакат иқтисодиётига хорижий инвестицияларни
жалб этилиши унинг иқтисодий имкониятларининг кенгайишини тезлаштириб,
барча соҳаларда ички имкониятлар ва резервларни ишга солиш, янги техника ва
технологияни, экспортбоп товарларни ўзлаштиришга, уларни ишлаб чиқаришни
йўлга қўйиш орқали давлатимиз иқтисодий қудратини таъминлашда муҳим
аҳамият касб этади.
Ўқув қўлланмада Ўзбекистон Республикаси Давлат статистика қўмитаси,
Иқтисодиёт вазирлиги, Қишлоқ ва сув хўжалиги вазирлиги, Марказий банки ва
бошқа қатор вазирлик ва идораларнинг маълумотларидан, шунингдек,
Қорақалпоғистон Республикаси Вазирлар Кенгаши Раисининг, вилоятлар ва
Тошкент шаҳар ҳокимларининг ўринбосарлари, маънавий-маърифий ишлар
бўйича ёрдамчилари, туман ва шаҳар ҳокимларининг 2010 йил январь-февраль
ойларида бўлиб ўтган минтақавий семинарлари материалларидан кенг
фойдаланилган.
Ушбу махсус курсни кенг ўрганишга ёрдам берувчи электрон-визуал ва
интерактив воситалар, жумладан, «Иқтисодиёт» нашриёти томонидан 2009 йилда
чоп этилган Ўзбекистон Республикаси Президенти Ислом Каримовнинг «Жаҳон
молиявий-иқтисодий инқирози, Ўзбекистон шароитида уни бартараф этишнинг
йўллари ва чоралари» номли асарини ўрганиш бўйича ўқув қўлланма (Ходиев
Б.Ю., Бекмуродов А.Ш., Ғафуров У.В., Тухлиев Б.К., ўзбек ва рус тилларида),
«Оммабоп иқтисодиёт: моҳияти ва асосий тушунчалари» (Бекмуродов А.Ш.,
Гимранова О.Б., Шамшиева Н.Н., ўзбек ва рус тилларида) илмий-оммабоп
қўлланма, «Ўзбекистон иқтисодиётни либераллаштириш ва модернизациялаш
йўлида» (Бекмуродов А.Ш., Беркинов Б.Б., Усмонов Б.Б., Ҳамидов О.М., Ғафуров
У.В. ва Неъматов И.У., ўзбек тилида) экспресс-проспекти, «2008 йилдa
Рeспубликaни ижтимoий-иқтисoдий ривoжлaнтириш якунлaри вa 2009 йилдa
иқтисoдиётни бaрқaрoр ривoжлaнтиришнинг энг муҳим устувoр вaзифaлaри
тўғрисидa» (Бекмуродов А.Ш., Амонбоев М.А., Каттаев Н.Т.) экспресс-тестлар
ҳамда уларнинг электрон-визуал версияларидан кенг фойдаланиш тавсия этилади.
Do'stlaringiz bilan baham: