A. M. Karimova, D. M. Malikova pul va banklar

Bank operasiyalari - banklarning pul resurslarini jamg’arish (passiv operasiya) va ulardan foydalanish (aktiv operasiya) borasidagi faoliyatlari.
Bankning foiz stavkasi - kreditning “narxidir”. Kredit uchun haq toʻlash korxonalarni xoʻjalik hisobiga shu jumladan, resurslarni koʻpayishiga hamda jalb qilingan mablag’larda foydalanishga ta’sir etadi. Bank muassasalari kredit foizi hisobidan xarajatlarni qoplaydi.
Banknotlar - 1. Markaziy bank tomonidan turli nominaldagi naqd qog’oz pullar shaklida muomalaga chiqarilgan pullar. 2. Bank biletlari, markaziy emissiya banklari tomonidan chiqariladigan pul belgilari. Hozirgi kunda ular qog’oz pullarning asosiy turi hisoblanadi.
Bankomat – 1. Koʻp funksiyali qurilma boʻlib, naqd pul mablag’ini qabul qilish va berish, bank kartalaridan foydalangan holdagi operasiyalar boʻyicha hujjatlar tuzish, hisob raqamlar boʻyicha naqdsiz toʻlovlarni olib borish yuzasidan axborotlar berish va hokazo uchun moʻljallangan. Amaliyotda bankomatlardan koʻp hollarda naqd pullarni berish uchun yoki hisob raqamlar boʻyicha axborot olish uchun foydalaniladi. Bankomatlardan naqd pul berilishi terminalga oʻxshab slip berish asosida amalga oshiriladi. 2. Mijozlar tomonidan bankning plastik kartalari orqali oʻziga oʻzi xizmat koʻrsatish uchun moʻljallangan elektron-mexanik qurilma.
Bankrot - xoʻjalik sudi tomonidan e’tirof etilgan, qarzdorning pul majburiyatlari boʻyicha kreditorlar talablarini toʻla hajmda qondirishga yoki majburiy toʻlovlar boʻyicha oʻz majburiyatini bajarishga qodir emasligi.
Barter bitimi - bu bitta shartnoma asosida turli hil tovarlarni pulsiz almashtirish.
Baho - 1. Narsaning, tovarning, mol-mulkning pul bilan ifodalangan qiymati. 2. Ahamiyat, qadr-qiymat. 3. Hozirgi vaqtda: oʻquv yurtlarida oʻzlashtirish darajasiga qarab qoʻyiladigan ball. 4. Tovarlarni pulga ayirboshlash me’yori.
Baholar riski - qimmatbaho qog’ozlar bahosidagi oʻzgarish tufayli bank foydasida yuzaga kelgan oʻzgarishlar.