A. M. Karimova, D. M. Malikova pul va banklar

Balans - bank mablag’lari va ularning tashkil topish manbalari holatini pul shaklida guruhlash va aks ettirish usulidir.
Bank kapitali - banklarga jalb qilingan va ular tomonidan kredit hisob- kitob va boshqa operasiyalar uchun foydalanadigan pulli kapitallar yig’indisi.
Bank - soʻzi italyancha «banko» soʻzidan olingan boʻlib, pul muomalasi va kredit munosabatlari amalga oshiriladigan «stol», «peshtaxta», «kursi» ma’nolarini bildiradi. Hozirgi kunda bank - bu boʻsh turgan pul mablag’larini yig’uvchi saqlab boruvchi va turli hil kredit hisob- kitob operasiyalarni amalga oshiruvchi yuridik tashkilotdir.
Bank tizimining bosh maqsadi - jahon talablariga mos keluvchi rivojlangan kredit tizimiga ega boʻlish, xoʻjaliklar va aholining boʻsh turgan pul mablag’larini jalb qilish va uni samarali taqsimlash asosida aholining talabini qondirish uchun zamin yaratish va yashash sharoitini yaxshilashga erishishdan iborat.
Bank vekseli - bu biror korxonaning mazkur bankga vekselda koʻrsatilgan summada depozit kuchayganini tasdiqlaydigan qimmatli qog’ozidir.
Bank kapitali – bankning oʻz resurslari boʻlib, uning tarkibiga ustav kapitali, qoʻshimcha kapital, zahira kapitali, taksimlanmagan foyda kiradi.
Bank krediti - 1. Kreditning asosiy shakli boʻlib, unda pul mablag’larini vaqtincha foydalanish uchun banklar tomonidan beriladi. 2. Banklar pulni uning sohiblariga foiz toʻlash sharti bilan oʻz qoʻlida jamlaydilar va oʻz nomidan qarzga berib, foiz olishdir. 3. Faqat pul shaklida beriladi va ssuda deyiladi. Bank kreditida qarz beruvchi sifatida bank muassasalari chiqadi. Banklar turlicha boʻlib, ular tarkibiga markaziy, tijorat, investisiya, ipoteka, jamg’arma, xalqaro va ixtisoslashgan banklar kiradi.
Bank likvidliligi – banklar majburiyatlarini oʻz vaqtida qaytara olish qobiliyati yoki passivlardagi majburiyatlarni qaytarish uchun aktivlarni pulga aylanish qobiliyatidir.
Bank mahsuloti - bu aniq usul boʻlib, bank mijoz ehtiyojiga koʻra tanlangan xizmat turini koʻrsatishga tayyor, ya’ni, tartibga koʻra ichki kelishuv, hujjatlarni kompleks rasmiylashtirishni tashkillashtirish, texnika-texnologik, axborotli, moliyaviy harakatlar orqali mijozga xizmat koʻrsatish texnologiyasini tugatish.
Bank mijozlari - vakolatli banklarda chet el valyutasida talab qilib olinguncha depozit hisob varag’iga ega boʻlgan va qonunchilikka muvofiq joriy xalqaro operasiyalarni amalga oshiradigan yuridik shaxs hisoblangan xoʻjalik sub`yektlaridir.