A. M. Karimova, D. M. Malikova pul va banklar

Markaziy bankning samarali va zamonaviy pul-kredit siyosatini ishlab chiqish va amalga oshirish borasidagi funksiyalari kengaytirildi va yangilandi. SHuningdek,

• 
  inflyasiya darajasini monitoring,
  
• 
  tahlil va prognoz qilish,
  
• 
  bank tizimi va pul-kredit koʻrsatkichlari hamda tashqi sektor statistikasi, shu jumladan,
  
• 
  toʻlov balansi,
  
• 
  respublikaning xalqaro investitsion pozitsiyasi,
  
• 
  tashqi qarzi va oltin-valyuta zahirasi toʻg‘risidagi ma’lumotlarni shakllantirish va e’lon qilish boʻyicha vazifalar belgilandi.
  

Markaziy bank Boshqaruvi tarkibi, a’zolari soni va vakolatlariga oʻzgartirishlar kiritildi. Endilikda Markaziy bank Boshqaruvi toʻqqiz a’zodan, ya’ni,:

• 
  Boshqaruvi Raisi hisoblanuvchi Markaziy bank Raisi, uning birinchi oʻrinbosari va oʻrinbosarlari, shuningdek, ikki nafar mustaqil a’zodan iborat.
  

Mazkur Qonunga muvofiq Markaziy bank Boshqaruvi kelgusi yil uchun pul-kredit siyosatining asosiy yoʻnalishlarini, shu jumladan, likvidlikni taqdim etish va jalb qilish parametrlari, Markaziy bankning pul-kredit operatsiyalari boʻyicha foiz stavkalari hamda asosiy foiz stavkasi darajasini belgilaydi va tasdiqlaydi. SHuningdek, majburiy zahira talablari me’yorlari, ajratiladigan kreditlar boʻyicha ta’minot turlari roʻyxati, tizimli muhim banklar uchun prudensial me’yorlar va boshqa vakolatlarni oʻrnatadi.
Qonundagi asosiy yangiliklardan biri – Markaziy bankning jamoatchilik bilan aloqalaridir. Narxlar va moliyaviy barqarorlikni ta’minlashda pul-kredit siyosatining ta’sirchanligini kuchaytirish maqsadida Qonun bilan Markaziy bank faoliyati shaffofligini oshirishga qaratilgan faol kommunikatsiya siyosatini yuritish asoslari belgilab berildi. Bu, oʻz navbatida, aholi va iqtisodiyot sub’ektlarining Markaziy bankka boʻlgan ishonchini oshirib, iqtisodiyotda inflyasiya va inflyasion kutilmalarni samarali boshqarishga xizmat qiladi.
Bundan tashqari, rivojlangan mamlakatlar tajribasiga asoslangan holda, Qonunda erkin shakllanuvchi almashuv kursi tizimi sharoitida ichki valyuta bozoriga intervensiyalarning faqatgina valyuta kursining keskin tebranishlarini oldini olish maqsadida amalga oshirilishi koʻzda tutilgan.
Yangi tahrirdagi Qonunda Markaziy bankning ichki nazorat organi hisoblanuvchi ichki audit xizmatining tashkil etilishi va unga Markaziy bank tarkibiy boʻlinmalari va tasarrufidagi tashkilotlarning moliyaviy-xoʻjalik faoliyatini tekshirish vazifasi yuklatilishi, shuningdek, xalqaro audit standartlariga muvofiq audit tashkilotlari tomonidan har yili tashqi audit oʻtkazilishi koʻzda tutilgan.